FaceBookను డిలీట్ చేయమంటున్న ఆ ప్రముఖుడు.. ఎవరో తెలుసా?

ప్రముఖ టెక్ నిపుణుడు, టెస్లా కంపెనీ సీఈవో అయిన ఎలాన్ మస్క్ గురించి తెలియని వారు చాలా తక్కువ మంది ఉంటారు. అయితే ఈయన తాజాగా ఫేస్ బుక్ ను డిలీట్ చేసేయాల్సిందిగా ప్రజలకు సూచిస్తున్నారు. ప్రముఖ హాలీవుడ్ నటుడు సచా బారోన్ కోహెన్ చేసిన ట్వీట్ సమాధానంగా ఎలాన్ మస్క్ #DeleteFacebook హ్యాష్ ట్యాగ్ తో సమాధానం ఇచ్చారు. అంతేకాక ఫేస్ బుక్ ఎంతగానో వెనకపడిందని చెప్పారు.

Also Read: ఈ సినిమాలను అస్సలు డౌన్ లోడ్ చేయకండి.. చేస్తే మీకే మంచిది కాదు! ఎందుకంటే?

అమెజాన్ సీఈవో జెఫ్ బెజోస్ ఫోన్ హ్యాకింగ్ కుంభకోణంపై ఫేస్‌బుక్ యాజమాన్యంలోనే ఉన్న వాట్సాప్‌ను ఇప్పటికే ఎలాన్ మస్క్ కామెడీ చేసి పడేశారు. ఇప్పుడు ఏకంగా ఫేస్ బుక్ నే తొలగించమని కోరారు. ఫేస్‌బుక్‌ను తొలగించమని ఎలాన్ మస్క్ పిలుపునివ్వడం ఇదే మొదటిసారి కాదు. కేంబ్రిడ్జ్ ఎనలిటికా స్కామ్ బయటపడిన తరువాత, మస్క్ సహా పలువురు ప్రముఖులు #DeleteFacebook ప్రచారంలో చేరారు.

Also Read: Jio సిమ్ ఉపయోగిస్తున్నారా? అయితే వీటిని కచ్చితంగా తెలుసుకోవాల్సిందే!

టెలిగ్రామ్ వ్యవస్థాపకుడు పరేల్ దురోవ్, వాట్సాప్ సహ వ్యవస్థాపకుడు బ్రియాన్ ఆక్టన్ వంటి వారు కూడా ఫేస్ బుక్ ను తొలగించమని తమ ఫాలోవర్లకు విజ్ఞప్తి చేశారు. నటుడు సచా బారోన్ కోహెన్ కూడా సోషల్ నెట్‌వర్కింగ్ సంస్థను విమర్శించడంలో భాగం పంచుకున్నారు.

“250 కోట్ల మందికి అవసరమయ్యే నీటిని ఒక్క వ్యక్తి నియంత్రించడానికి మనం అనుమతించము. 250 కోట్ల మందికి అవసరమయ్యే ఎలక్ట్రిసిటీని ఒక వ్యక్తి నియంత్రించడాన్ని మనం అనుమతించము. మరి 250 కోట్ల మంది ప్రజలు చూసే సమాచారాన్ని నియంత్రించడానికి ఒక్క మనిషికి ఎందుకు అనుమతించాం? ఫేస్‌బుక్‌ను ప్రభుత్వాలు నియంత్రించాల్సిన అవసరం ఉంది, చక్రవర్తి పాలించకూడదు ”అని ఆ నటుడు ట్వీట్‌లో పేర్కొన్నారు. 2017లో ఎలాన్ మస్క్, మార్క్ జుకర్‌బర్గ్ కృత్రిమ మేధస్సు అవకాశాలపై చర్చించారు.

Also Read: Best Dating Apps: మనదేశంలో బెస్ట్ ఇవే.. ఇన్ స్టాల్ చేసి అదృష్టాన్ని పరీక్షించుకోండి!

ఆర్టిఫిషియల్ ఇంటెలిజెన్స్ వినాశనానికి దారి తీస్తుందని ఎలాన్ మస్క్ చేసిన కామెంట్లపై జుకర్ బర్గ్ స్పందిస్తూ మస్క్ ను విమర్శకుడిగా అభివర్ణించారు. ఎలాన్ మస్క్ చేసిన వ్యాఖ్యలు బాధ్యతారాహిత్యమైనవన్నారు. దీనిపై ఎలాన్ మస్క్ స్పందిస్తూ దీనిపై తాను మార్క్ జుకర్ బర్గ్ తో మాట్లాడానని, అతని దీనిపై పూర్తి అవగాహన లేదని తెలిపారు.