Dangerous Apps : మీ స్మార్ట్‌ఫోన్‌లో ఈ యాప్స్ ఉన్నాయా.. వెంటనే అన్‌ఇన్‌స్టాల్ చేసేయండి

యూజర్ల సమాచారాన్ని దోచేస్తున్న మరికొన్ని ఆండ్రాయిడ్‌ యాప్స్ వెలుగులోకి వచ్చాయి. ఈ యాప్స్ ఫోన్‌లో ఉంటే యూజర్ల ఇన్ఫర్మేషన్ చిక్కుల్లో పడ్డట్టే. ఇలా డబ్బును దోచే ట్రిక్స్ చేస్తున్న ఆండ్రాయిడ్‌ యాప్స్‌ను వివిధ సెక్యూరిటీ రీసెర్చ్ సంస్థలు కనుగొన్నాయని ఫోన్‌ఎరీనా వెల్లడించింది. ఆ ప్రమాదకర యాప్స్ జాబితాను విడుదల చేసింది. ఇప్పటికే ఈ 17 యాప్స్‌లో చాలా వాటిని గూగుల్ ప్లే స్టోర్ తొలగించింది. అయితే ఇప్పటికే చాలా మంది ఈ యాప్స్‌ను డౌన్‌లోడ్ చేసుకున్నారు. ఈ లిస్ట్‌లో ఓ యాప్‌ 50వేలకు పైగానే డౌన్‌లోడ్‌లు అయింది. అందుకే గూగుల్ ప్లే స్టోర్ తొలగించినా.. ఒకవేళ మీరు ఇప్పటికీ ఈ యాప్స్ వాడుతుంటే ప్రమాదమే. అందుకే మీ స్మార్ట్‌ఫోన్‌లో ఈ కింద యాప్స్ ఉంటే వెంటనే అన్‌ఇన్‌స్టాల్ చేయండి.

ఆ యాప్స్ ఇవే..

• డాక్యుమెంట్ మెనేజర్ (Document Manager)
• కాయిన్ ట్రాక్ లోన్ (Coin Track Loan)
• కూల్ కాలర్ స్క్రీన్ (Cool Caller Screen)
• పీఎస్‌డీ ఓత్ ప్రొటెక్టర్ (PSD Auth Protector)
• ఆర్‌జీబీ ఎమోజీ కీబోర్డ్ (RGB Emoji Keyboard)
• కెమెరా ట్రాన్స్‌లేటర్ ప్రో (Camera Translator Pro)
• ఫాస్ట్ పీడీఎఫ్ స్కానర్ (Fast PDF Scanner)
• ఎయిర్ బెలూన్ వాల్‌పేపర్ (Air Balloon Wallpaper)
• కలర్‌ఫుల్ మెసెంజర్ (Colorful Messenger)
• థగ్ ఫొటో ఎడిటర్ (Thug Photo Editor)
• యానిమ్ వాల్‌పేపర్ (Anime Wallpaper)
• పీస్ ఎస్ఎంఎస్ (Peace SMS)
• హ్యాపీ ఫొటో కొలేజ్ (Happy Photo Collage)
• పెలెట్ మెసేజెస్ (Pellet Messages)
• స్మార్ట్ కీబోర్డ్ (Smart Keyboard)
• 4కే వాల్‌పేపర్స్ (4K Wallpapers)
• ఒరిజినల్ మెసేంజర్ (Original Messenger)

వీటిలో కొన్ని ఫేక్ యాప్స్ కూడా ఉన్నాయి. పాపులర్ యాప్స్‌కు పేరు మార్పుతో డూప్లికేట్స్‌గా ఉన్నాయి.

ప్రమాదకర ఆండ్రాయిడ్‌ యాప్స్‌ను గూగుల్ ప్లే స్టోర్ క్రమంగా తొలగిస్తోంది. మాల్‌వేర్ కలిగి ఉన్న వాటిని, యూజర్ల సమాచారాన్ని దోచేస్తున్న వాటిని తీసేస్తోంది. క్రమంగా ఇలాంటి వాటిని గుర్తిస్తోంది. అయితే ప్రమాదకరమైన యాప్స్‌ అని తెలుసుకున్న వెంటనే యూజర్లు వాటిని డిలీట్ చేయడం మంచిది. ఇలాంటి యాప్స్ ద్వారా వచ్చే లింక్స్ అసలు క్లిక్ చేయకూడదు. మీ వ్యక్తిగత, బ్యాంకు సమాచారాన్ని ఎట్టిపరిస్థితుల్లోనూ సమర్పించకూడదు.