ఈవారం విడుదల కానున్న స్మార్ట్‌ఫోన్‌లు ఇవే- వన్‌ప్లస్, రియల్‌మీ మరిన్ని - వివో నుంచి స్పెషల్ సిరీస్

మొబైల్ తయారీ సంస్థలు వివిధ రేంజ్‌లో స్మార్ట్‌ఫోన్‌లను విడుదల చేస్తూనే ఉన్నాయి. ఇదే క్రమంలో మే మూడో వారం అంటే ఈ వారంలో కూడా మరిన్ని మొబైళ్లు రానున్నాయి. ఇందులో వన్‌ప్లస్ నుంచి నార్డ్ 2టీ (OnePlus Nord 2T) భారత్‌లో విడుదల కానుంది. అలాగే వివో నుంచి ఫ్లాగ్‌షిప్ రేంజ్‌లో రెండు మొబైళ్లు (Vivo X80 Series) లాంచ్ కానున్నాయి. మరోవైపు రియల్‌మీ నుంచి బడ్జెట్, మిడ్‌రేంజ్‌లో రెండు 5జీ ఫోన్‌లు వస్తున్నాయి. ఇక ఇన్ఫినిక్స్ కూడా నోట్12 సిరీస్‌ను (Infinix Note 12 Series) లాంచ్ చేసేందుకు సిద్ధమైంది. ఈ సిరీస్‌లో డాక్టర్ స్ట్రేంజ్ ఎడిషన్ కూడా రానుంది.

రియల్‌మీ నార్జో 50 5జీ సిరీస్‌ (Realme Narzo 50 5G Series)
ఈనెల 18వ తేదీన భారత్‌లో రియల్‌మీ నార్జో 50 5జీ సిరీస్ విడుదవుతుంది. రియల్‌మీ నార్జో 50 5జీ, నార్జో 50 ప్రో 5జీ లాంచ్ కానున్నాయి. 18న మధ్యాహ్నం 12.30 గంటల నుంచి ఈ మొబైళ్ల లాంచ్ ఈవెంట్ జరుగుతుంది. రియల్‌మీ నార్జో 50 5జీ ప్రో మొబైల్‍లో మీడియాటెక్ డైమన్సిటీ 920 ప్రాసెసర్ ఉంటుంది. అలాగే నార్జో 50 5జీ ఫోన్‌ డైమన్సిటీ 810 ప్రాసెసర్‌పై రన్ అవుతుంది. ఈ మొబైల్ ధర రూ.15వేలలోపు ఉండే అవకాశం ఉంది.
పూర్తి వివరాలు: Realme : మిడ్‌రేంజ్‌లో రియల్‌మీ గేమింగ్ 5జీ స్మార్ట్‌ఫోన్‌ - లాంచ్ డేట్ ఫిక్స్

వివో ఎక్స్80 సిరీస్ (Vivo X80, Vivo X80 Pro)
వివో ఫ్లాగ్‌షిప్ సిరీస్ ఇది. ఈనెల 18వ తేదీన భారత్‌లో వివో ఎక్స్80, ఎక్స్ 80 ప్రో లాంచ్ కానున్నాయి. ప్రాసెసర్ సహా డిస్‌ప్లే, కెమెరాలు.. అన్ని విభాగాల్లో ప్రీమియమ్ స్పెసిఫికేషన్లను ఇవి కలిగి ఉంటాయి. వివో ఎక్స్ 80 ప్రో మొబైల్.. స్నాప్‌డ్రాగన్ 8 జెన్ 1 ప్రాసెసర్‌తో రానుంది. మరోవైపు ఎక్స్ 80 మొబైల్‌లో మీడియాటెక్ డైమన్సిటీ 9000 ప్రాసెసర్‌ ఉంటుంది.

వన్‌ప్లస్ నార్డ్ 2టీ (OnePlus Nord 2T )
వన్‌ప్లస్ నార్డ్ 2టీ మొబైల్ భారత్‌లో మే 19వ తేదీ లాంచ్ కానుంది. మీడియాటెక్ డైమన్సిటీ 1300 ప్రాసెసర్, AMOLED డిస్‌ప్లే, 80వాట్ల ఫాస్ట్ చార్జింగ్ కెపాసిటీతో ఈ మొబైల్ రానుంది.
పూర్తి వివరాలు: OnePlus : వన్‌ప్లస్ నుంచి మరో స్మార్ట్‌ఫోన్ - 19న లాంచ్ - స్పెసిఫికేషన్లు, అంచనా ధర ఇవే

ఇన్ఫినిక్స్ నోట్ 12 సిరీస్ (Infinix Note 12 Series)ఇన్ఫినిక్స్ నోట్12 సిరీస్‌లో రెండు స్మార్ట్‌ఫోన్‌లు విడుదల కానున్నాయి. ఇన్ఫినిక్స్ నోట్ 12, నోట్ 12 ప్రో మొబైళ్లు ఈ నెల 20న ఇండియా మార్కెట్‌లోకి రానున్నాయి. అలాగే ప్రత్యేకంగా డాక్టర్ స్ట్రేంజ్ ఎడిషన్ కూడా లాంచ్ కానుంది. AMOLED డిస్‌ప్లేలతో ఈ ఫోన్స్ రానున్నాయి. నోట్ 12 మోడల్‌లో మీడియాటెక్ హీలియో జీ88 ప్రాసెసర్ ఉంటుంది. 6.7 ఇంచుల ఫుల్ హెచ్‌డీ+ AMOLED డిస్‌ప్లే, 50 మెగాపిక్సెల్ ప్రధాన కెమెరా, డ్యుయల్ స్టీరియో స్పీకర్లు, 5000mAh బ్యాటరీతో వస్తుంది.