Vivo : వివో నుంచి రెండు కొత్త TWS Earbuds మోడల్స్ లాంచ్ - 30 గంటల బ్యాటరీ లైఫ్, బాస్ డ్రైవర్లతో

వివో (Vivo) నుంచి కొత్త రెండు ట్రూ వైర్‌లెస్‌ స్టీరియో (TWS) ఇయర్‌బడ్స్ మోడల్స్ లాంచ్ అయ్యాయి. వివో టీడబ్ల్యూఎస్ 2 ఏఎన్‌సీ (Vivo TWS 2 ANC) , వివో టీడబ్ల్యూఎస్ 2ఈ (Vivo TWS 2e) పేరుతో ఇవి ఇండియా మార్కెట్‌లో అడుగుపెట్టాయి. స్ట్రాంగ్ బాస్‌ను ఇచ్చే 12.2mm సౌండ్ డ్రైవర్లతో ఈ ఇయర్‌బడ్స్ వస్తున్నాయి. రెండు మోడల్స్ ఫుల్ చార్జ్‌పై చార్జింగ్ కేస్‌తో కలిపి 30 గంటల బ్యాటరీ లైఫ్ ఇస్తాయి. రెండు మోడళ్ల మధ్య ప్రధాన తేడా యాక్టివ్ నాయిస్ క్యాన్సలేషన్ (ANC). వివో టీడబ్ల్యూఎస్ 2 ANCలో ఈ ఫీచర్ ఉంది. Vivo TWS 2 ANC, Vivo TWS 2e పూర్తి డీటైల్స్ ఇవే.

వివో టీడబ్ల్యూఎస్ 2 ANC, వివో టీడబ్ల్యూఎస్ 2ఈ స్పెసిఫికేషన్లు
Vivo TWS 2 ANC, Vivo TWS 2e Features, Specifications : 12.2mm సౌండ్ డ్రైవర్లతో ఈ TWS ఇయర్‌బడ్స్ వస్తున్నాయి. వాయిస్ క్లియర్‌గా ఉండేందుకు డీప్X 2.0 స్టీరియో సౌండ్ ఉంటుంది. కనెక్టివిటీ కోసం బ్లూటూత్ 5.2 వెర్షన్ ఉంటుంది. గూగుల్ అసిస్టెంట్‌కు ఈ బడ్స్ సపోర్ట్ చేస్తాయి.
Vivo TWS 2 ANC మోడల్ aptX అడాప్టివ్/AAC/SBC కొడెక్‌లకు సపోర్ట్ చేస్తుంది. వీటికి మూడు మైక్రోఫోన్స్ ఉంటాయి. 88ms ఏఐ డైనమిక్ లో ల్యాటెన్సీ మోడ్, డ్యుయల్ చానెల్ ట్రాన్స్‌మిషన్ ఉంటాయి. ఇక Vivo TWS 2e మోడల్ రెండ మైక్రోఫోన్లతో వస్తోంది. AAC/SBC కొడెక్‌ సపోర్ట్ ఉంటుంది.

Vivo TWS 2 ANCలో మూడు యాక్టివ్ నాయిస్ క్యాన్సలేషన్ (ANC) మోడ్స్ ఉంటాయి. హై, నార్మల్, లో గా సెట్ చేసుకోవచ్చు. అలాగే చెవికి బడ్స్ ఎలా ధరించామో కూడా గుర్తించి పరిసరాల శబ్దాలను నిరోధించే ఇంటెలిజెంట్ అల్గారిథమ్స్ ఉంటాయని వివో పేర్కొంది. ఒకవేళ బయటి శబ్దాలు కాస్త వినపడాలనుకుంటే యాంబియెంట్ మోడ్‌కు కూడా ఈ ఇయర్‌బడ్స్‌ సపోర్ట్ చేస్తాయి.

బ్యాటరీ విషయానికి వస్తే Vivo TWS 2 ANC, Vivo TWS 2e ఒకే కెపాసిటీతో వస్తున్నాయి. ఫుల్ చార్జ్‌పై బడ్స్ 7.6 గంటల ప్లేబ్యాక్ టైమ్ ఇస్తాయి. అలాగే చార్జింగ్ ‌కేస్ ద్వారా దాదాపు మూడుసార్లకు పైగా బడ్స్‌ను చార్జ్ చేయవచ్చు. అంటే కేస్‌తో కలిపి 30 గంటల వరకు బ్యాటరీ లైఫ్ ఉంటుంది.

Vivo TWS 2 ANC, Vivo TWS 2e ధర, సేల్
వివో టీడబ్ల్యూఎస్ 2 ఏఎన్‌సీ ధర రూ.5,999గా ఉంది. ఇక వివో టీడబ్ల్యూఎస్‌ 2ఈ ధర రూ.3,299గా ఉంది. ఇప్పటికే వివో అధికారిక ఆన్‌లైన్ స్టోర్‌లో ఇప్పటికే ఈ TWS Earbuds ప్రీబుకింగ్స్ మొదలయ్యాయి. ఈ నెల 25వ తేదీన సేల్‌కు అందుబాటులోకి వస్తాయి. మూన్‌లైట్ వైట్, స్టారీ లైట్ కలర్ ఆప్షన్లలో లభ్యం కానున్నాయి.