ఫ్లాగ్ షిప్ తరహా కెమెరా బడ్జెట్ ఫోన్‌లో.. వివో ఎస్7 కెమెరా ఇలా!

వివో ఎస్7 చైనాలో ఆగస్టు 3వ తేదీన లాంచ్ అవ్వడానికి సిద్ధమవుతోంది. దీంతో వివో ఈ ఫోన్ కు సంబంధించిన టీజర్లను విడుదల చేస్తోంది. కంపెనీ తాజాగా లాంచ్ చేసిన పోస్టర్లలో దీని డిజైన్ వివరాలు తెలిశాయి. ఇందులో వెనకవైపు మూడు కెమెరాల సెటప్ ఉండనుంది. వివో ఎస్7 వెనకవైపు కెమెరా ఫోన్ ఎడమవైపు పై భాగంలో ఉండనున్నాయి. ప్రధాన కెమెరా పెద్దదిగానూ, మిగతా రెండు కెమెరాలు చిన్నవిగానూ ఉన్నాయి.

Also Read: గుడ్ న్యూస్.. ఈ శాంసంగ్ బడ్జెట్ ఫోన్ ధర తగ్గింపు.. ఎంతంటే?

ఈ పోసర్లను కంపెనీ వీబో అకౌంట్ ద్వారా పోస్ట్ చేసింది. ఈ రెండు పోస్టర్లలోనూ ఫోన్ వెనకభాగమే కనిపిస్తూంది. ప్రస్తుతం అన్ని స్మార్ట్ ఫోన్ కంపెనీలూ గ్రేడియంట్ ప్యానెల్ నే అందిస్తున్నాయి. ఈ ఫోన్ విషయంలో వివో కూడా అదే దారిన నడవనుంది. ఇందులో ఉన్న వైట్ కలర్ వేరియంట్ వేర్వేరు యాంగిల్స్ లో వేర్వేరు రంగులను ప్రతిబింబిస్తున్నాయి.

ఇందులో వెనకవైపు ఉన్న మూడు కెమెరాల సెటప్ వివో ఎక్స్50 ప్రో తరహాలో ఉంది. కాకపోతే ఇందులో పెరిస్కోప్ లెన్స్ ను వివో అందించలేదు. ఫోన్ వెనకవైపు ఫింగర్ ప్రింట్ సెన్సార్ లేదు. కాబట్టి ఇన్ డిస్ ప్లే ఫింగర్ ప్రింట్ సెన్సార్ ఉందనుకోవచ్చు. ఫోన్ కుడివైపు పవర్ బటన్, వాల్యూమ్ బటన్స్ చూడవచ్చు. ఫోన్ కింద భాగంలో యూఎస్ బీ టైప్-సీ పోర్ట్, స్పీకర్ గ్రిల్ కూడా ఉన్నాయి.

Also Read: అత్యంత చవకైన శాంసంగ్ స్మార్ట్ ఫోన్ లాంచ్.. స్పెసిఫికేషన్లు ఎలా ఉన్నాయంటే?

వివో అధికారిక ఖాతాలో ఈ ఫోన్ సెల్ఫీ కెమెరాలో సన్నీ మోడ్ అనే కొత్త ఫీచర్ ను అందిస్తున్నట్లు తెలిపారు. అలాగే ఈ వివో ఎస్7 స్మార్ట్ ఫోన్ లో కొత్తగా స్మూత్ మోడ్ కూడా ఉండనుంది. ఇందులో క్వాల్ కాం స్నాప్ డ్రాగన్ 765జీ ప్రాసెసర్ ను అందిస్తున్నట్లు లీకుల ద్వారా తెలుస్తోంది.