Vivo T1 Pro 5G : 66W టర్బో చార్జింగ్, 64MP కెెమెరాతో వివో కొత్త మొబైల్‌ వచ్చేస్తోంది - మరో ఫోన్‌ కూడా - లాంచ్ డేట్, వివరాలు ఇవే

భారత్‌ మార్కెట్‌లోకి మరో రెండు స్మార్ట్‌ఫోన్‌లను లాంచ్ చేసేందుకు వివో (Vivo) సిద్ధమైంది. టీ1 సిరీస్‌లో ఈ రెండు మొబైళ్లు రానున్నాయి. ఇప్పటికే వివో టీ1 5జీ లాంచ్ కాగా.. దీనికి అప్‌గ్రేడెడ్ స్మార్ట్‌ఫోన్‌తో పాటు 4జీ మోడల్ కూడా వస్తోంది. ఈనెల 4వ తేదీన వివో టీ1 ప్రో 5జీ (Vivo T1 Pro 5G) , వివో టీ1 44W (Vivo T1 44W) 4జీ మోడల్ లాంచ్ కానున్నాయి. తాజాగా వివో టీ1 ప్రో 5జీకి సంబంధించిన స్పెసిఫికేషన్లను వివో వెల్లడించింది. లాంచ్‌ దగ్గర పడుతున్న కొద్దీ ఒక్కో కీలక విషయాన్ని వెల్లడిస్తోంది.

వివో టీ1 ప్రో 5జీ, వివో టీ1 44డబ్ల్యూ మొబైళ్ల కోసం వివో తన అధికారిక వెబ్‌సైట్‌లో ప్రత్యేకంగా వెబ్‌పేజ్ ఏర్పాటు చేసింది. దీని ద్వారా స్పెసిఫికేషన్లను క్రమంగా వెల్లడిస్తోంది. అలాగే ఈ-కామర్స్ సైట్‌ ఫ్లిప్‌కార్ట్‌ (Flipkart) లో ఈ మొబైళ్లు లిస్ట్ అయ్యాయి. Vivo T1 Pro 5G మొబైల్‌ 64 మెగాపిక్సెల్ ప్రధాన కెెమెరాతో రానుందని వివో స్పష్టం చేసింది. 117 డిగ్రీల వైడ్ యాంగిల్ సూపర్ నైట్ సెన్సార్‌గా ఇది ఉంటుందని చెప్పింది. 66వాట్ల ఫ్లాష్ చార్జ్ అల్ట్రా ఫాస్ట్ చార్జింగ్‌కు సపోర్ట్ చేస్తుందని పేర్కొంది. దీని వల్ల 18 నిమిషాల్లోనే ఈ మొబైల్‌ 50 శాతం చార్జ్ అవుతుందని వివో వెల్లడించింది. ఇక Vivo T1 Pro 5G స్మార్ట్‌ఫోన్‌లో స్నాప్‌డ్రాగన్ 778G ప్రాసెసర్‌ ఉంటుంది.

వివో టీ1 ప్రో 5జీ మొబైల్‌ ఆండ్రాయిడ్‌ 12 ఆధారిత ఫన్‌టచ్ ఓఎస్‌తో లాంచ్ అవుతుంది. 6.44 ఇంచుల ఫుల్ హెచ్‌డీ+ AMOLED డిస్‌ప్లేను కలిగి ఉంటుందని సమాచారం. 90Hz రిఫ్రెష్ రేట్ ఉంటుందని తెలుస్తోంది. అలాగే 4,700mAh బ్యాటరీ, 16 మెగాపిక్సెల్ ఫ్రంట్ కెమెరా ఉంటాయని ఉంటుందని లీకులు వచ్చాయి.

ఇవన్నీ చూస్తుంటే ఐకూ జెడ్ 6 ప్రో 5జీ (iQoo Z6 Pro 5G) మొబైల్‌ను Vivo T1 Pro 5G పోలి ఉన్నట్టు స్పష్టవుతోంది. అలాగే ఐకూ జెడ్ 6 4జీ మొబైల్‌కు రీబ్రాండెడ్‌గా Vivo T1 44W వస్తోందని లీక్‌లు వచ్చాయి. అయితే కొన్ని స్పెసిఫికేషన్లు, యూజర్ ఇంటర్ఫేస్ (UI), కలర్ వేరియంట్లు విభిన్నంగా ఉంటాయి. Vivoకు ఐకూ (iQoo) సబ్‌బ్రాండ్‌గా ఉన్నా.. భారత స్మార్ట్‌ఫోన్‌ మార్కెట్‌లో మాత్రం ఈ రెండూ పోటీపడుతుంటాయి. మరోవైపు ఐకూ జెడ్ 6 5జీ.. వివో టీ1 5జీ మధ్య కూడా చాలా పోలికలే ఉన్నాయి.