44MP సెల్ఫీ కెమెరాతో రానున్న Vivo V23e 5G మొబైల్.. విడుదల తేదీ ఇదే! స్పెసిఫికేషన్లు, అంచనా ధర వివరాలు | Vivo V23e 5G India launch Date

వివో (Vivo) నుంచి మరో 5జీ స్మార్ట్‌ఫోన్ భారత్‌కు రానుంది. వివో వీ23ఈ 5జీ (Vivo V23 5G) విడుదల తేదీ ఖరారైంది. ఫిబ్రవరి 21న ఈ ఫోన్ లాంచ్ కానుంది. ఈ విషయాన్ని వివో బుధవారం అధికారికంగా వెల్లడించింది. అలాగే కొన్ని కీలకమైన స్పెసిఫికేషన్లను టీజ్ చేసింది. గత నవంబర్‌లోనే ఈ మొబైల్ థాయ్‌లాండ్‌లో విడుదల కాగా.. ఈ నెల 21న భారత మార్కెట్‌లోకి అడుగుపెట్టనుంది. ఈ నేపథ్యంలో వివో వీ23 5జీకి సంబంధించిన స్పెసిఫికేషన్లు దాదాపు బయటికి వచ్చాయి.

వివో వీ23ఈ విడుదల తేదీ | Vivo V23e launch date in India
వివో వీ23ఈ మొబైల్‌ను ఫిబ్రవరి 21వ తేదీ మధ్యా్హ్నం 12 గంటలకు భారత్‌లో లాంచ్ చేయనున్నట్టు అధికారిక ట్విట్టర్‌ ఖాతా ద్వారా వెల్లడించింది వివో. అఫీషియల్ వెబ్‌సైట్‌లో ఇందుకు సంబంధించి ప్రత్యేక వెబ్‌పేజీని కూడా పొందుపరిచింది.

వివో వీ23ఈ 5జీ స్పెసిఫికేషన్లు (అంచనా) | Vivo V23e Specifications
Vivo V23e 5G మొబైల్ 6.44 ఇంచుల ఫుల్ హెచ్‌డీ+ అమోలెడ్ డిస్‌ప్లేతో లాంచ్ కానుంది. మీడియాటెక్ డైమన్‌సిటీ 810 5జీ ప్రాసెసర్‌తో ఈ ఫోన్ నడుస్తుంది. గరిష్ఠంగా 8జీబీ ర్యామ్ ఉంటుంది. ఆండ్రాయిడ్ 11 ఆధారిత ఫన్‌టచ్ ఓఎస్ 12తో ఈ మొబైల్ రానుంది.

వివో వీ23ఈ 5జీ మొబైల్ వెనుక మూడు కెమెరాలు ఉంటాయి. 50 మెగాపిక్సెల్ ప్రధాన కెమెరా, 8 మెగాపిక్సెల్ వైడ్ యాంగిల్ సెన్సార్, 2 మెగాపిక్సెల్ కెమెరా‌ను వివో అందిస్తోంది. వీడియోకాల్స్, సెల్ఫీల కోసం 44 మెగాపిక్సెల్ ఫ్రంట్ కెమెరా ఉంటుంది. 128జీబీ ఇంటర్నల్ స్టోరేజ్‌తో ఈ మొబైల్ రానుండగా.. మైక్రో ఎస్‌డీ కార్డు స్లాట్ కూడా ఉంటుంది.

Vivo V23e 5G ఫోన్‌లో 4050ఎంఏహెచ్ బ్యాటరీ ఉండనుండగా.. 44వాట్ల ఫాస్ట్ చార్జింగ్‌ సపోర్టు ఉంటుంది. 5జీ, 4జీ ఎల్‌టీఈ, వైఫై, బ్లూటూత్ వీ5.1, యూఎస్‌బీ టైప్-సీ లాంటి కనెక్టివిటీ ఆప్షన్లు ఉంటాయి.

వివో వీ23ఈ 5జీ అంచనా ధర | Vivo V23e Expected Priceవివో వీ23ఈ మొబైల్ 8జీబీ ర్యామ్ + 128 జీబీ స్టోరేజ్ వేరియంట్ 12,999 థాయ్ బట్స్ (సుమారు రూ.29,200) ధరతో థాయ్‌లాండ్‌తో లాంచ్ అయింది. భారత్‌లో కూడా ఈ మొబైల్ ధర దాదాపు అదే రేంజ్‌లో ఉండే అవకాశం ఉంది. మూన్‌లైట్ షాడో, సన్‌షైన్ కోస్ట్ కలర్ ఆప్షన్లలో ఈ మొబైల్ అందుబాటులోకి రావొచ్చు.