Vivo V25 Series : వివో కొత్త సిరీస్ లాంచ్ నేడే : 64 MP OIS కెమెరా, 120Hz కర్వ్‌డ్ ఎడ్జెస్ డిస్‌ప్లేతో..
Vivo V25 pro launch : వివో వీ25 ప్రో మొబైల్‌ నేడు ఇండియాలో లాంచ్ కానుంది. కర్వ్‌డ్ ఎడ్జెస్ డిస్‌ప్లే, OIS సపోర్ట్ ఉండే 64 మెగాపిక్సెల్ కెమెరా, రంగులు మారే బ్యాక్ ప్యానెల్‌తో ఈ స్మార్ట్‌ఫోన్‌ రానుంది. అలాగే ఈ సిరీస్‌లో వివో వీ25 కూడా లాంచ్ అవుతుందేమో చూడాలి.
Authored byKrishna Prakash | Samayam Telugu17 Aug 2022, 7:13 am
వివో వీ25 సిరీస్ (Vivo V25 Series) నేడు (ఆగస్టు 17) భారత్‌లో అడుగుపెట్టనుంది. ఈ సిరీస్‌లో వివో వీ25 ప్రో (Vivo V25 Pro) మొబైల్‌ను లాంచ్ చేయనున్నట్టు వివో (Vivo) ప్రకటించింది. కొంతకాలం నుంచి ఈ ఫోన్ గురించి టీజ్ చేస్తోంది. కెమెరా, డిస్‌ప్లే, డిజైన్ ప్రధాన ఆకర్షణగా వివో వీ25 ప్రో ఉండనుంది. కర్వ్‌డ్ ఎడ్జెస్ డిస్‌ప్లే, రంగులు మారే బ్యాక్ ప్యానెల్‌ ప్రత్యేకంగా అనిపిస్తున్నాయి. కాగా ఈ సిరీస్‌లో వివో వీ25 ప్రోతో పాటు వివో వీ25 (Vivo V25) కూడా రానుంది. అయితే ఇది ఈరోజే విడుదలవుతుందా.. కొన్ని రోజుల తర్వాత వస్తుందా అన్నది స్పష్టత లేదు. ఇప్పటి వరకు వివో వీ25 ప్రో గురించే వివో వెల్లడిస్తూ వస్తోంది. వివో వీ25 గురించి ప్రస్తావించలేదు. వివో వీ25 ప్రో వివరాలు ఇవే.
వివో వీ25 ప్రో (Vivo V25 Pro) స్మార్ట్‌ఫోన్‌ ఈ-కామర్స్ సైట్ ఫ్లిప్‌కార్ట్‌ (Flipkar)లో లిస్ట్ అయింది. నేటి (ఆగస్టు 17) మధ్యాహ్నం 12 గంటలకు ఈ మొబైల్‌ లాంచ్ కానుంది. ఖతార్‌లో జరిగే ఫిఫా 2022 ఫుట్‌బాల్ ప్రపంచకప్ టోర్నీకి ఈ మొబైల్‌ను అధికారిక స్మార్ట్‌ఫోన్‌గా ప్రమోట్ చేస్తోంది వివో. ఫ్లిప్‌కార్ట్‌, వివో వెబ్‌సైట్‌తో పాటు ఆఫ్‌లైన్ స్టోర్స్‌లో కూడా వివో వీ25 ప్రో సేల్‌కు వస్తుంది.
Vivo V25 Pro కోసం వివో వెబ్‌సైట్‌తో పాటు ఫ్లిప్‌కార్ట్‌లోనూ ఇప్పటికే ఓ పేజ్ ఏర్పాటైంది. దీంతో చాలా కీలక స్పెసిఫికేషన్ల బయటికి వచ్చాయి. మీడియాటెక్ డైమన్సిటీ 1300 5జీ ప్రాసెసర్‌తో వివో వీ25 ప్రో రానుంది. ఇంటర్నల్ స్టోరేజ్‌ను ఉపయోగించుకొని వర్చువల్‌గా ర్యామ్‌ను పొడిగించుకునే ఫీచర్ కూడా ఉంటుంది.
Vivo V25 Pro మొబైల్‌కు కెమెరా కూడా ఓ హైలైట్‌గా ఉండే అవకాశం ఉంది. ఈ ఫోన్ వెనుక మూడు కెమెరాలు ఉంటాయి. ఆప్టికల్ ఇమేజ్ స్టెబిలైజేషన్ (OIS)కు సపోర్ట్ చేసే 64 మెగాపిక్సెల్ సెన్సార్ ప్రదాన కెమెరాగా ఉంటుంది. 4,830 బ్యాటరీతో రానున్న ఈ ఫోన్ 66వాట్ల ఫాస్ట్ చార్జింగ్‌కు సపోర్ట్ చేయనుంది.
మరోవైపు, వివో వీ25 మొబైల్‌ను కూడా వివో నేడే తీసుకొస్తుందా లేకపోతే తర్వాత లాంచ్ చేస్తుందా అన్నది చూడాలి. ఎందుకంటే ఇప్పటి వరకు వీ25 ప్రో మోడల్ గురించిన వివరాలనే వెల్లడించింది. వీ25 గురించి ఎలాంటి హింట్స్ ఇవ్వలేదు. అయితే ఇటీవలే వివో వీ25కు సంబంధించిన ఫొటోలు, కొన్ని స్పెసిఫికేషన్లు లీకయ్యాయి. అలాగే ఇదే సిరీస్‌లో వివో వీ25ఈ కూడా వచ్చే అవకాశం ఉందని అంచనాలు వెలువడుతున్నాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
