ACలా గోడకు అమర్చేే ఈ కూలర్ గురించి తెలుసా.. ! ధర, ఫీచర్లు ఇవే

వేసవి కాలం సమీపిస్తోంది. కొద్దిరోజుల్లోనే ఉష్ణోగ్రతలు ఎక్కువగా పెరిగే అవకాశం ఉంది. దీంతో ఇళ్లలో AC (ఎయిర్ కండీషనర్) కానీ, కూలర్ కానీ తప్పక ఉండాల్సిన పరిస్థితి వస్తుంది. ఏసీ అయితే చాలా సౌకర్యవంతంగా ఉంటుంది. అయితే అందరూ ఏసీ కోసం అంత మొత్తంలో ఖర్చు చేయలేరు. అలాంటి పరిస్థితుల్లో కూలర్‌కే మొగ్గు చూపుతారు. మార్కెట్‌లో చాలా కూలర్లు ఉన్నాయి. అయితే ఒకటి మాత్రం చాలా విభిన్నంగా ఉంది. AC లాగే ఫీలయ్యేలా చేసే ఎయిర్ కూలర్ అది. దాని ధర కూడా కూలర్‌లాగా ఉంటుంది.

సింఫనీ క్లౌడ్ పర్సనల్ కూలర్ (Symphony Cloud Personal Cooler) చాలా విభిన్నంగా ఉంటుంది. ఏసీలానే ఫీలయ్యేలా ఉంటుంది. ఎందుకంటే AC లాగే ఈ కూలర్‌ను గోడకు అమర్చుకోవచ్చు. మరి Symphony Cloud ధర, ఫీచర్లు ఎలా ఉన్నాయో చూడండి.

సింఫనీ క్లౌడ్ పర్సనల్ కూలర్ ధర వివరాలు | Symphony Cloud Personal Cooler with Remote
ఈ సింఫనీ క్లౌడ్ కూలర్.. 15 లీటర్ల కెపాసిటీతో వస్తోంది. దీని సాధారణ ధర రూ.14,999 కాగా ప్రస్తుతం 9శాతం డిస్కౌంట్‌తో రూ.13,699కు అందుబాటులో ఉంది. ఈకామర్స్ సైట్ అమెజాన్‌తో పాటు ఆఫ్‌లైన్ మార్కెట్‌లోనూ దీన్ని కోనుగోలు చేయవచ్చు. అలాగే ప్రతీనెలా రూ.645 చెల్లించే ఈఎంఐ సదుపాయం ద్వారా కూడా ఈ కూలర్‌ను కొనొచ్చు. దీనికి 1 సంవత్సరం వారంటీ ఉంటుంది.
గదిలోని దాదాపు 2000 చదరపు అడుగుల ప్రాంతాన్ని ఈ Symphony Cloud కూలర్ చల్లగా ఉంచగలదు. అంచులకు మూడు సైడ్ కాలింగ్ ప్యాడ్‌తో ఇది వస్తోంది. అలాగే గదిలో తేమ శాతాన్ని త్వరగా తగ్గించేలా డీహ్యూమిడిఫై సిస్టమ్‌ ఈ కూలర్‌లో ఉందని సింఫనీ పేర్కొంది.
ఈ కూలర్ రిమోట్ కంట్రోల్ ఫీచర్‌తో వస్తోంది. దీంతో 10 గంటల టైమర్‌ను కూడా సెట్ చేసుకోవచ్చు. స్వింగ్, టర్బో, ఫ్యాన్ లాంటి ఆప్షన్లు కూడా రిమోట్ ద్వారా కంట్రోల్ చేయవచ్చు. కూలర్‌లో నీటిని నింపేందుకు మ్యాజిక్ ఫిల్ ఫీచర్ కూడా ఉంటుంది. దీంతో కింది నుంచి కూలర్‌లో వాటర్ నింపవచ్చు. ఇందుకోసం వైర్ లాంటి ఓ డివైజ్ కూడా ఉంటుంది. ఆటో క్లీన్ ఫంక్షన్, ట్యాక్ ఖాళీ అయినప్పుడు అలారం ఇచ్చే ఫీచర్లు కూడా ఉన్నాయని సింఫనీ పేర్కొంది.