WhatsApp.. సైలెంట్‌గా సైడ్ అయిపోవచ్చు.. మరో రెండు ఫీచర్లు కూడా..

ప్రముఖ మెసేజింగ్ యాప్‌ వాట్సాప్‌(WhatsApp)కు మరో మూడు ఫీచర్లు యాడ్ కానున్నాయి. ప్రైవసీ మరింత మెరుగ్గా ఉండేలా, యూజర్ల చేతిలో ఎక్కువ కంట్రోల్ ఉండేలా ఇవి వచ్చాయి. వాట్సాప్‌ పేరెంట్ కంపెనీ మెటా సీఈవో మార్క్ జుకర్‌బర్గ్ ఈ విషయాన్ని వెల్లడించారు. వాట్సాప్‌కు మరో మూడు ప్రైవసీ ఫీచర్లను కొత్తగా లాంచ్ చేస్తున్నట్టు ప్రకటించారు. వాట్సాప్‌కు కొత్తగా వస్తున్న ఈ మూడు ఫీచర్లు ఏంటి? ఎలా ఉపయోగపడతాయో చూడండి.

గ్రూప్‌లో నుంచి సైలెంట్‌గా వెళ్లిపోవచ్చు
వాట్సాప్‌ కొత్తగా లీవ్ గ్రూప్స్ సైలెంట్లీ (Leave Group Silently) ప్రైవసీ ఫీచర్‌ను తీసుకొచ్చింది. కావాలంటే గ్రూప్ నుంచి ఇతర మెంబర్స్‌కు తెలియకుండా ఎగ్జిట్ అవ్వొచ్చు. అంటే దీన్ని ఎనేబుల్ చేసుకుంటే గ్రూప్ నుంచి వెళ్లిపోయినట్టు అడ్మిన్‌కు మినహా గ్రూప్‌లో ఎవరికీ కనిపించదు. ఈనెలలోనే యూజర్లందరికీ ఈ ఫీచర్ అందుబాటులోకి వస్తుంది. గ్రూప్‌లో నుంచి ఎవరైనా ఎగ్జిట్ ఆ విషయం గ్రూప్‌లో ఉండే అందరికీ కనిపిస్తోంది. ఈ కొత్త ఫీచర్ వచ్చాక సైలెంట్‌గా గ్రూప్ నుంచి సైడ్ అయిపోయే అవకాశం దక్కనుంది.

వ్యూ వన్స్.. నో స్క్రీన్‌షాట్స్
వాట్సాప్‌లో వ్యూ వన్స్ (View Once) ఫీచర్ ఇప్పటికే చాలా పాపులర్ అయింది. మెసేజ్‌ను గానీ, మీడియాను గానీ రిసీవర్ ఒక్కసారి చూశాక డిలీట్ అయిపోవాలంటే మనం వ్యూ వన్స్ ద్వారా సెండ్ చేస్తాం. అయితే ఇంతకాలం ఈ వ్యూ వన్స్ మెసేజ్‌లను, ఫొటోలను స్క్రీన్ షాట్ తీసుకునే అవకాశం ఉండేది. వ్యూవన్స్ మెసేజ్‌లు, ఫొటోలను కొందరు స్క్రీన్ షాట్స్ తీసుకొని దాచుకునే వారు. అయితే వాట్సాప్‌ దీనికి పరిష్కారాన్ని తీసుకొచ్చింది. వ్యూవన్స్ మెసేజ్‌లకు స్క్రీన్ షాట్‌లను డిసేబుల్ చేయనుంది. ఇప్పటికే ఈ ఫీచర్‌ టెస్టింగ్ పూర్తి కాగా.. అతి త్వరలో యూజర్లందరికీ యాడ్ అవుతుంది.
Also Read: వాట్సాప్‌లో ఒక్కసారే చూసేలా.. ఈ ఫీచర్ గురించి తెలుసా..
‘ఆన్‌లైన్‌’పై కంట్రోల్
మీరు వాట్సాప్‌లో ఆన్‌లైన్‌లో ఉన్నారనే విషయం ప్రస్తుతం అందరికీ కనిపిస్తోంది. ఒకవేళ మీరు లాస్ట్ సీన్ డిసేబుల్ చేసుకున్నా.. మీరు వాట్సాప్‌ ఓపెన్ చేయగానే అవతలి వ్యక్తి మీ చాట్ ఓపెన్ చేస్తే మీరు ఆన్‌లైన్‌లో ఉన్నారన్న విషయం తెలుస్తుంది. అయితే కావాలనుకున్న వారు మాత్రమే మీ ఆన్‌లైన్ స్టేటస్ చూసేలా వాట్సాప్‌ కొత్త ప్రైవసీ ఫీచర్‍‌ను తీసుకొచ్చింది. అంటే మీరు ఆన్‌లైన్‌లో ఉన్నారా లేదా అని చూసే అనుమతి మీకు ఇష్టమైన వారికి ఇవ్వొచ్చు. అవసరం లేని కాంటాక్ట్‌లను మినహాయించవచ్చు. ఈ ఫీచర్ కూడా అతిత్వరలోనే యూజర్లందరికీ అందుబాటులోకి వస్తుంది.
Also Read: WhatsApp : వాట్సాప్‌లో ఈ మార్పు గమనించారా..! ఈ సదుపాయం అందరికీ వచ్చేసింది
ఈ మూడు ఫీచర్లు అతి త్వరలోనే వాట్సాప్‌ యూజర్లందరికీ యాడ్ కానున్నాయి. కాగా, గ్రూప్‌లోని మెంబర్లకు ఫోన్‌ నంబర్‌ను కనిపించకుండా సెట్ చేసుకునే ప్రైవసీ ఫీచర్‌ను కూడా వాట్సాప్‌ టెస్ట్ చేస్తోందని సమాచారం.