WhatsApp Train Food Order : ట్రైన్‌లో ఫుడ్ కావాలా.. ఇక వాట్సాప్ నుంచే ఆర్డర్ చేయొచ్చు.. ఎలానో చూడండి

Zoop Food Delivery on WhatsApp : రైలులో ప్రయాణిస్తున్నప్పుడు ఆకలైతే ఇక వాట్సాప్‌ నుంచి ఫుడ్ ఆర్డర్ చేయవచ్చు. వేరే యాప్‌ అవసరం లేకుండా వాట్సాప్‌ నుంచి ఆర్డర్ చేస్తే ఆహారం మీ దగ్గరికే వచ్చేస్తుంది. IRCTC ఫుడ్ డెలివరీ సర్వీస్ జూప్ (Zoop) ఈ సదుపాయాన్ని రైల్వే ప్రయాణికుల కోసం తీసుకొచ్చింది. జియోకు చెందిన హాప్టిక్ టెక్నాలజీస్ లిమిటెడ్ (Jio Haptik) భాగస్వామ్యంతో ఈ సర్వీస్‌ను అందుబాటులోకి తెచ్చింది. వాట్సాప్‌‌లో జూప్ చాట్‌బోట్ సర్వీస్ ద్వారా ట్రైన్‌లో ప్రయాణిస్తున్న సమయంలో సులభంగా ఫుడ్ ఆర్డర్ చేయవచ్చు.

ట్రైన్‌లో ఉన్నప్పుడు ఈ జూప్ సర్వీస్‌ను వినియోగించుకొని వాట్సాప్‌ ద్వారా ఆర్డర్ చేస్తే.. తర్వాతి స్టేషన్‌లో ఫుల్ డెలివరీ వస్తుంది. ఇందుకోసం అదనంగా వేరే యాప్‌ అవసరం లేదు. వాట్సాప్‌ చాట్ నుంచే ఫుడ్ రెడీ అయిన విషయాన్ని ట్రాక్ చేయవచ్చు. అసలు ట్రైన్‌లో ఉన్నప్పుడు వాట్సాప్‌లో ఫుడ్ ఎలా ఆర్డర్ చేయాలో చూడండి.

రైలులో ఉన్నప్పుడు జూప్ వాట్సాప్‌ ద్వారా ఫుడ్ ఎలా ఆర్డర్ చేయాలంటే..

• ముందుగా జూప్‌కు మెసేజ్ చేయాలి : వాట్సాప్ యాప్ ఓపెన్ చేసి +91 7042062070 నంబర్‌తో ఉండే జూప్ వాట్సాప్‌ చాట్‌బోట్‌కు Hi అని మెసేజ్ పంపాలి. అంటే ముందుగా ఆ నంబర్‌ను కాంటాక్ట్స్‌లో సేవ్ చేసుకోవాలి.
• వాట్సాప్‌లో జూప్ చాట్‌బోట్‌లో మెసేజ్ చేసిన తర్వాత అదే చాట్‌బోట్‌లో రిప్లై వస్తుంది. దాంట్లో వ్యూ ఆప్షన్స్‌పై ట్యాప్ చేయాలి.
• ఆప్షన్స్‌లో ఆర్డర్‌ ఫుడ్‌ను సెలెక్ట్ చేసుకోవాలి.
• ఆ తర్వాత పీఎన్ఆర్ నంబర్‌ అడుగుతుంది. మీ PNR నంబర్‌ ఎంటర్ చేయాలి.
• మీ ట్రైన్, సీట్ నంబర్‌ కరెక్టేనా అని అడుగుంది. వివరాలన్నీ చూసి కరెక్ట్ అయితే Yes Proceedపై ట్యాప్ చేయాలి.
• తర్వాత వచ్చే రైల్వే స్టేషన్ ఏదో సెలెక్ట్ చేసుకోవాలి.
• అప్పుడు ఆ ప్రాంతంలో అందుబాటులో ఉన్న రెస్టారెంట్స్‌ను చూపిస్తుంది. అందులో రెస్టారెంట్‌ను సెలెక్ట్ చేసుకోవాలి. ఆ తర్వాత మీకు కావాల్సిన ఫుడ్ ఐటెమ్‌ను ఎంపిక చేసుకోవాలి.
• ఫుడ్ ఐటెమ్స్‌ను, పేమెంట్ ఆప్షన్‌ను ఎంపిక చేసుకుంటే ఆర్డర్ పూర్తవుతుంది. ఆర్డర్‌కు సంబంధించిన వివరాలు వస్తాయి.
• తదుపరి స్టేషన్‌లో మీరు ఆర్డర్ ఫుడ్ ఐటెమ్స్‌ను జూప్ (Zoop) డెలివరీ చేస్తుంది. ఆలోగా మీరు ట్రాక్ కూడా చేయవచ్చు.

Also Read: డిలీట్ చేసిన మెసేజ్ మళ్లీ రికవర్ చేసుకునేలా WhatsApp కొత్త ఫీచర్