డిలీట్ చేసిన మెసేజ్ మళ్లీ రికవర్ చేసుకునేలా WhatsApp కొత్త ఫీచర్

పాపులర్ మెసేజింగ్ యాప్‌ వాట్సాప్‌ (WhatsApp) కు మరో ఆసక్తికర ఫీచర్ రానుంది. ఇప్పటికే క్రమంగా కొత్త సదుపాయాలను యూజర్లకు తీసుకొస్తోంది వాట్సాప్‌. యాక్సెసబులిటీ, ప్రైవసీ మెరుగ్గా ఉండేలా ఫీచర్లను ప్రవేశపెడుతోంది. ఈ క్రమంలోనే మరో కొత్త సదుపాయాన్ని వాట్సాప్‌ తెస్తోంది. డిలీట్ చేసిన మెసేజ్‌ను సెకన్ల వ్యవధిలో రికవర్ చేసుకునే అవకాశాన్ని కల్పించుంది. ఇందుకోసం అన్‌డూ (WhatsApp Undo) ఫీచర్‌ను తీసుకొస్తోంది. ముందుగా బీటా యూజర్లకు ఈ ఫీచర్‌ను అందిస్తోంది. వాట్సాప్‌ బీటా (WhatsApp Beta) ఆండ్రాయిడ్‌ వెర్షన్‌ 2.22.18.13 కు ఈ ఫీచర్‌ను తీసుకొచ్చింది. ఈ వెర్షన్‌ వాడుతున్న వారికి ఇది అందుబాటులోకి వచ్చింది. త్వరలోనే యూజర్లందరికీ ఈ సదుపాయం రానుంది. ఈ అన్‌డూ (Undo) ఫీచర్ ఎలా పని చేస్తుంది.. ఎలా ఉపయోగపడుతుందో ఇక్కడ తెలుసుకోండి.

వాట్సాప్‌ బీటా ట్రాకర్ డబ్ల్యూఏబీటాఇన్ఫో (WABetaInfo) ఈ కొత్త ఫీచర్ గురించి వెల్లడించింది. “గూగుల్ బీటా ప్రోగ్రామ్ ద్వారా వాట్సాప్‌ కొత్త అప్‌డేట్‌ను రోల్అవుట్ చేస్తోంది. బీటా 2.22.18.13 వెర్షన్‌ను తీసుకొచ్చింది. పొరపాటున డిలీట్ చేసిన మెసేజ్‌లను రికవర్ చేసుకునేలా (సెకన్ల వ్యవధిలోనే) అన్‌డూ ఫీచర్‌ను రోల్ అవుట్ చేస్తోంది. వాట్స్ న్యూ ఇన్ దిస్ అప్‌డేట్‌?లో వాట్సాప్‌ ఈ విషయాన్ని తెలిపింది” అని WABetaInfo వెల్లడించింది.
Also Read:
ఎలా ఉపయోగపడుతుందంటే..
WhatsApp Undo Feature | వాట్సాప్‌ మెసేజ్‌ను పొరపాటున డిలీట్ చేస్తే.. ఈ అన్‌డూ బటన్ ద్వారా రికవర్ చేసుకోవచ్చు. అయితే కొన్ని సెకన్ల వరకు మాత్రమే ఇది సాధ్యమవుతుంది. ముఖ్యంగా మెసేజ్‌ను ‘డిలీట్ ఫర్ ఎవ్రీ వన్’ చేసే బదులు ఒక్కోసారి పొరపాటును ‘డిలీట్ ఫర్ మీ’పై ట్యాప్ చేస్తుంటారు. ఇలా చేస్తే రిసీవర్‌కు కూడా డిలీట్ చేయాలనుకున్న మేసెజ్ మీకు మాత్రమే డిలీట్ అవుతుంది. ఇలాంటి సందర్భాల్లో చాలా ఇబ్బందిగా ఉంటుంది. అయితే, ఈ Undo సదుపాయం వస్తే పొరపాటున డిలీట్ ఫర్ మీ ద్వారా డిలీట్ చేసిన మెసేజ్‌ను వెంటనే రికవర్ చేసుకోవచ్చు. మళ్లీ డిలీట్ ఫర్ ఎవ్రీ వన్ చేయవచ్చు. ఒకవేళ పొరపాటున ఏదైనా మెసేజ్‌‌ను డిలీట్ చేసిన సందర్భాల్లోనూ ఈ అన్‌డూ ఉపయోగపడుతుంది.

వాట్సాప్‌‌లో అన్‌డూ డిలీట్‌ను ఎలా వాడాలంటే..
వాట్సాప్‌లోని ఏదైనా చాట్‌లో మెసేజ్‌ను డిలీట్ చేస్తే వెంటనే కింది భాగం కుడి వైపున అన్‌డూ ఆప్షన్ కనిపిస్తుంది. మెసేజ్‌ను రికవర్ చేసేందుకు వెంటనే ఆ అన్‌డూ ఆప్షన్‌పై ట్యాప్ చేయాలి. ఒకవేళ మీరు పొరపాటున మేసేజ్ చేస్తే రికవర్ చేసుకునేందుకు ఈ స్టెప్స్ ఫాలో అవ్వొచ్చు.
ప్రస్తుతం డిలీట్ చేసిన మెసేజ్‌ల కోసం ఈ అన్‌డూ ఫీచర్ కొందరు బీటా యూజర్లకు అందుబాటులోకి వచ్చింది. టెస్టింగ్ పూర్తయ్యాక యూజర్లందరికీ దీన్ని వాట్సాప్‌ అందుబాటులోకి తీసుకొస్తుంది. మూడు నెలల్లోగా ఈ ఫీచర్ అందరికీ రోల్అవుట్ అయ్యే అవకాశాలు అధికంగా ఉన్నాయి.