Xiaomi Ready To Launch Redmi Pad In India Know Full Details
Redmi Pad : 8,000mAh బ్యాటరీతో రెడ్‌మీ నుంచి తొలి ట్యాబ్ వచ్చేస్తోంది.. లాంచ్ డేట్, అంచనా ధర, స్పెసిఫికేషన్లు ఇవే!
Redmi Pad launch date in India : రెడ్‌మీ ప్యాడ్ లాంచ్ డేట్ ఫిక్స్ అయింది. తాజాగా ఈ ట్యాబ్‌కు సంబంధించిన స్పెసిఫికేషన్లు కూడా లీకయ్యాయి.
Authored byKrishna Prakash | Samayam Telugu1 Oct 2022, 4:55 pm
Redmi Pad launch date in India : షావోమీ (Xiaomi) సబ్ బ్రాండ్ రెడ్‌మీ (Redmi) నుంచి భారత మార్కెట్‌లోకి తొలి ట్యాబ్ రానుంది. మిడ్ రేంజ్‌లో 4జీ ఎల్‌టీఈ కనెక్టివిటీతో వస్తోంది. ఈనెల 4వ తేదీన రెడ్‌మీ ప్యాడ్ ఇండియాలో అడుగుపెట్టనుంది. మీడియాటెక్ హీలియో ప్రాసెసర్‌, 2కే డిస్‌ప్లేతో ఈ ట్యాబ్ అందుబాటులోకి వస్తుందని సమాచారం. ఇప్పటికే ఈ ట్యాబ్‌కు సంబంధించిన చాలా స్పెసిఫికేషన్లు, అంచనా ధర వివరాలు బయటికి వచ్చాయి.
Redmi Pad లాంచ్ డేట్, టైమ్ రెడ్‌మీ ప్యాడ్ ట్యాబ్ ఈనెల 4వ తేదీన మధ్యాహ్నం 12 గంటలకు లాంచ్ కానుంది. ఈ విషయాన్ని రెడ్‌మీ ఇండియా అఫీషియల్‌గా వెల్లడించింది. ట్విట్టర్ ద్వారా లాంచ్ సమాచారాన్ని ప్రకటించింది. ఎంటర్‌టైన్‍‌మెంట్, గేమింగ్, ఈ-లెర్నింగ్, బ్రౌజింగ్‌కు ఈ ట్యాబ్ సరైన ఛాయిస్ అంటూ టీజ్ చేసింది. మిగిలిన స్పెసిఫికేషన్లను పేర్కొనలేదు. అయితే ఇప్పటికే రెడ్‌మీ ప్యాడ్‌కు సంబంధించిన వివరాలు లీక్‌ల ద్వారా వెల్లడయ్యాయి.
10.6 ఇంచుల 2K IPS LCD డిస్‌ప్లేతో రెడ్‌మీ ప్యాడ్ వస్తుందని తెలుస్తోంది. 90Hz రిఫ్రెష్ రేట్, 400 నిట్స్ వరకు పీక్ బ్రైట్‌నెస్ ఉండొచ్చు. మీడియాటెక్ హీలియో జీ99 ప్రాసెసర్‌ ఈ ట్యాబ్‌లో ఉంటుందని సమాచారం. ఆండ్రాయిడ్‌ 12 బేస్డ్ ఎంఐయూఐ ఓఎస్‌పై రన్ అవుతుంది. గరిష్ఠంగా 6జీబీ ర్యామ్, 128జీబీ ఇంటర్నల్ స్టోరేజ్ ఉంటుంది. మైక్రో ఎస్‌డీ కార్డ్ స్లాట్ కూడా ఉండనుంది.
Redmi Pad వెనుక 8 మెగాపిక్సెల్ కెమెరా ఉంటుందని తెలుస్తోంది. అలాగే సెల్ఫీలు, వీడియో కాల్స్ కోసం ఫ్రంట్ కెమెరా కూడా 8 మెగాపిక్సెల్ సామర్థ్యంతోనే వస్తుందని లీక్‌ల ద్వారా వెల్లడైంది. ఇక ఈ ట్యాబ్‌లో 8000mAh బ్యాటరీ ఉండనుండగా.. 18 వాట్ల ఫాస్ట్ చార్జింగ్‌‌కు సపోర్ట్ చేసే అవకాశం ఉంది. చార్జింగ్ కోసం యూఎస్‌బీ టైప్-సీ పోర్ట్ ఉంటుంది. మూడు కలర్ వేరియంట్లలో ఈ ట్యాబ్ అందుబాటులోకి వస్తుందని తెలుస్తోంది. మింట్ గ్రీన్, లూనార్ సిల్వర్, గ్రాఫైట్ గ్రే కలర్స్‌లో Redmi Pad లభిస్తుందని సమాచారం. ఈ-కామర్స్ సైట్ ఫ్లిప్‌కార్ట్‌లో ఈ ట్యాబ్ అందుబాటులోకి వస్తుందని రెడ్‌మీ హింట్ ఇచ్చింది.
Redmi Pad ప్రారంభ ధర రూ.17,999 నుంచి రూ.19,999 మధ్య ఉంటుందని అంచనాలు వస్తున్నాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
