Xiaomi Smart Tv 5a Pro 32 Inch Launched In India Check Price Features Specifications
షావోమీ నుంచి కొత్త 32 ఇంచుల Smart TV లాంచ్ - 24 వాట్ల స్పీకర్లు, డాల్బీ ఆడియోతో..
Xiaomi Smart TV 5A Pro 32-inch : షావోమీ స్మార్ట్ టీవీ 5ఏ ప్రో 32 ఇంచుల స్మార్ట్ టీవీ ఇండియాలో లాంచ్ అయింది. డాల్బీ ఆడియోకు సపోర్ట్ చేసే స్పీకర్లు, ఆండ్రాయిడ్‌ టీవీ 11 ఆధారిత ప్యాచ్‌వాచ్ 4 ఆపరేటింగ్ సిస్టమ్‌తో ఈ టీవీ వస్తోంది. జెజిల్‌లెస్ డిస్‌ప్లేను ఈ షావోమీ నయా స్మార్ టీవీ కలిగి ఉంది. వివిధ్ పిక్చర్ ఇంజిన్‌ను షావోమీ హైలైట్ చేస్తోంది. ధర, పూర్తి స్పెసిఫికేషన్లపై ఓ లుక్కేయండి.
Authored byKrishna Prakash | Samayam Telugu24 Aug 2022, 8:28 am
పాపులర్ కంపెనీ షావోమీ (Xiaomi) నుంచి కొత్త స్మార్ట్ టీవీ లాంచ్ అయింది. బడ్జెట్ రేంజ్ లైనప్‌లో కొత్త టీవీ వచ్చేసింది. షావోమీ స్మార్ట్ టీవీ 5ఏ ప్రో 32-ఇంచ్ (Xiaomi Smart TV 5A Pro 32-inch) ఇండియాలో విడుదలైంది. స్మార్ట్ టీవీ 5ఏతో పోలిస్తే కొన్ని అప్‌గ్రేడ్‌లతో ఈ ప్రో మోడల్ వచ్చేసింది. 32 ఇంచుల డిస్‌ప్లేను, వివిధ్ పిక్చర్ ఇంజిన్ (VPE) ఇమేజ్ ప్రాసెసింగ్ టెక్నాలజీని ఈ Xiaomi Smart TV 5A Pro 32-inch కలిగి ఉంది. DTS-X, డాల్బీ ఆడియోకు సపోర్ట్ చేసే స్పీకర్లు ఈ టీవీలో ఉంటాయి. బెజిల్‌లెస్ డిస్‌ప్లేతో లుక్ పరంగానూ ఆకర్షణీయంగా ఉంది. షావోమీ స్మార్ట్ టీవీ 5ఏ ప్రో ధర, ఆఫర్‌, స్పెసిఫికేషన్లు, ఫీచర్ల వివరాలను చూడండి.
Samayam Teluguషావోమీ స్మార్ట్ టీవీ 5ఏ ప్రో లాంచ్ (Photo: Xiaomi)
Xiaomi Smart TV 5A Pro 32-inch ధర, సేల్ షావోమీ స్మార్ట్ టీవీ 5ఏ ప్రో-32 ఇంచ్ ధర రూ.16,999గా ఉంది. ఈ-కామర్స్ సైట్ అమెజాన్, ఫ్లిప్‌కార్ట్‌, ఎం.కామ్, ఎంఐ హోమ్ స్టోర్స్‌తో పాటు ఎంపిక చేసిన ఆఫ్‌లైన్ స్టోర్స్‌లోనూ ఈ టీవీ సేల్‌కు రానుంది. సేల్ తేదీని షావోమీ అతిత్వరలో వెల్లడించనుంది. బ్లాక్ కలర్ ఆప్షన్‌లో ఈ టీవీ అందుబాటులోకి వస్తుంది. Xiaomi Smart TV 5A Pro 32-inch ఆఫర్‌ ఐసీఐసీఐ క్రెడిట్ కార్డ్‌తో ఎంఐ.కామ్, ఈ-కామర్స్ సైట్స్‌లో షావోమీ స్మార్ట్ టీవీ 5ఏ ప్రోను కొనుగోలు చేస్తే రూ.1,500 తక్షణ డిస్కౌంట్ లభిస్తుంది.
Xiaomi Smart TV 5A Pro 32-inch స్పెసిఫికేషన్లు, ఫీచర్లు హెచ్‌డీ రెడీ (768x1366 పిక్సెల్స్) రెజల్యూషన్ ఉండే 32 ఇంచుల డిస్‌ప్లేతో షావోమీ స్మార్ట్ టీవీ 5ఏ ప్రో 32-ఇంచ్ వస్తోంది. 178 డిగ్రీ వ్యూయింగ్ యాంగిల్స్, 60Hz స్క్రీన్ రిఫ్రెష్ రేట్ ఉంటుంది. 85శాతం NTSC కలర్ గాముట్, 85శాతం DCI-P3 కలర్ గాముట్ ఆప్షన్‌లను ఈ డిస్‌ప్లే కలిగి ఉంది. కలర్స్, డెప్త్, కాంట్రాస్ట్ అత్యుత్తమంగా ఉండేలా ఈ టీవీలో వివిధ్ పిక్చర్ ఇంజిన్ (VPE) ఇమేజ్ ప్రాసెసింగ్ టెక్నాలజీని పొందుపరిచినట్టు షావోమీ పేర్కొంది.
Xiaomi Smart TV 5A Pro 32-inch టీవీలో క్వాడ్‌కోర్ Cortex-A55 సీపీయూ, మాలి-G31 MP2 జీపీయూ ఉంటాయి. 1.5GB ర్యామ్, 8GB ఇంటర్నల్ స్టోరేజ్‌తో ఈ టీవీ వస్తోంది. రెండు HDMI పోర్ట్‌లు, రెండు యూఎస్‌బీ పోర్ట్‌లు, ఓ ఏవీఐ పోర్ట్ 3.5mm ఆడియో జాక్, ఎథెర్‌నెట్ పోర్ట్ ఈ టీవీకి ఉంటాయి. డ్యుయల్ బ్యాండ్ వైఫై, బ్లూటూత్ వైర్‌లెస్‌ కనెక్టివిటీ ఫీచర్లను షావోమీ ఈ టీవీకి ఇస్తోంది.
ఆండ్రాయిడ్‌ టీవీ 11 బేస్డ్ ప్యాచ్‌వాచ్ 4 ఆపరేటింగ్ సిస్టమ్‌పై Xiaomi Smart TV 5A Pro 32-inch రన్ అవుతుంది. గూగుల్ అసిస్టెంట్‌, క్రోమ్‌కాస్ట్‌కు సపోర్ట్ చేస్తుంది. గూగుల్ ప్లే స్టోర్ నుంచి యాప్స్, గేమ్స్‌ డౌన్‌లోడ్ చేసుకోవచ్చు. నెట్‌ఫ్లిక్స్, ప్రైమ్ వీడియోతో పాటు పాపులర్ ఓటీటీ యాప్స్‌కు ఈ టీవీ సపోర్ట్ చేస్తుంది.
Xiaomi Smart TV 5A Pro టీవీలో 24 వాట్ల ఔట్‌‌పుట్ ఇచ్చే రెండు స్పీకర్లు ఉంటాయి. డాల్బీ ఆడియో, DTS-Virtual-Xకు ఈ స్పీకర్లు సపోర్ట్ చేస్తాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
