2022లో భారత్లో తొలి మొబైల్ను లాంచ్ చేసింది వన్ప్లస్ (OnePlus). ప్రీమియమ్ మిడ్ రేంజ్ ధరలోనే వన్ప్లస్ 9ఆర్టీ (OnePlus 9RT)ని ఫ్లాగ్షిప్ స్పెసిఫికేషన్లతో తీసుకొచ్చింది. వన్ప్లస్ 9ఆర్ (OnePlus 9R)కు అప్గ్రేడ్గా ఈ మొబైల్ వచ్చింది. అయితే దీని ధర 9ఆర్ దరిదాపుల్లోనే ఉండడం ఆకర్షణీయ అంశం. అలాగే స్నాప్డ్రాగన్ 888 ప్రాసెసర్ ఉన్న చౌక మొబైల్ కూడా వన్ప్లస్ 9ఆర్టీనే. వన్ప్లస్ 9 సిరీస్లో కొత్తగా వచ్చిన ఈ మొబైల్ స్పెసిఫికేషన్లు, ధర, సేల్ తేదీ, ఆఫర్లు ఎలా ఉన్నాయో చూడండి.
వన్ప్లస్ 9ఆర్టీ మొబైల్ స్నాప్డ్రాగన్ 888 ప్రాసెసర్తో నడుస్తోంది. అలాగే 3.1 హై స్పీడ్ ఫ్లాష్ మెమరీ ఉంది. వన్ప్లస్ 9, వన్ప్లస్ 9 ప్రో సైతం ఇదే ప్రాసెసర్తో రాగా.. వాటితో పోలిస్తే 9RT ధర చాలా తక్కువ. అలాగే స్నాప్డ్రాగన్ ప్రాసెసర్ ఉన్న చౌక ఫోన్ ఇదే.
వన్ప్లస్ 9ఆర్టీ ఫోన్ అమ్మకాలు జనవరి 17న మధ్యాహ్నం 10 గంటలకు అమెజాన్ (Amazon) లో మొదలుకానున్నాయి. యాక్సిక్ బ్యాంక్, కొటాక్ బ్యాంక్ కార్డులను ఉపయోగించి రూ.4వేల వరకు డిస్కౌంట్ పొందే అవకాశం ఉంటుంది.
8GB ర్యామ్, 128GB స్టోరేజీ ఉన్న వన్ప్లస్ 9ఆర్టీ మొబైల్ ధర రూ.42,900గా ఉంది. అదే 12GB, 256GB స్టోరేజీ వేరియంట్ ధర రూ.46,999గా ఉంది.
వన్ప్లస్ 9Rతో పోలిస్తే OnePlus 9RT మొబైల్ ప్రాసెసర్, కెమెరా, డిస్ప్లే విభాగాల్లో మెరుగ్గా ఉంది. ముఖ్యంగా వన్ప్లస్ 9 ప్రోలో ఉన్న 50 మెగాపిక్సెల్ సెన్సార్ 9ఆర్టీలోనూ ఉంది.
6.62 ఇంచుల ఫుల్ హెచ్డీ ప్లస్ E4 AMOLED డిస్ప్లేతో ఈ ఫోన్ వస్తోంది. అలాగే 120 హెట్జ్ రిఫ్రెష్ రేట్, హెచ్డీఆర్ 10+, 1300 హెట్జ్ శాంప్లింగ్ రేట్ ఉన్నాయి. వన్ప్లస్ 9ఆర్ తో పోలిస్తే 9ఆర్టీ డిస్ప్లే మెరుగ్గా ఉంది.
వెనుక మూడు కెమెరాల సెటప్ తో ఈ ఫోన్ వస్తోంది. 50మెగాపిక్సెల్ Sony IMX766 ప్రధాన కెమెరా ఉంది. దీనికి ఆప్టికల్ ఇమేజ్ స్టెబిలైజేషన్ సపోర్టు (OIS) ఫీచర్ ఉంది. అలాగే 16 మెగాపిక్సెల్ అల్ట్రావైడ్ సెన్సార్, 2మెగాపిక్సెల్ మాక్రో షూటర్ ఉన్నాయి. ఇక 16 మెగాపిక్సెల్ ఫ్రంట్ కెమెరా ఉంది.
వన్ప్లస్ 9ఆర్టీ మొబైల్ 4,500mAh బ్యాటరీతో వస్తోంది. అలాగే 65T వ్రాప్ చార్జ్ కు ఈ ఫోన్ సపోర్టు చేస్తుంది. 15 నిమిషాల్లోనే ఈ ఫోన్ 1శాతం నుంచి 65 శాతం వరకు చార్జ్ అవుతుందని వన్ప్లస్ చెబుతోంది. మొత్తంగా 29 నిమిషాల్లోనే 0 నుంచి 100 శాతం వరకు ఫుల్ చార్జ్ అవుతుందని ప్రకటించింది. మరోవైపు మూడు దశల VC cooling system ఉన్న తొలి వన్ప్లస్ ఫోన్ ఇదే.