1. ఒకేసారి రెండు అకౌంట్లు ఉపయోగించవచ్చు
మీరు వాట్సాప్ వెబ్ ను గూగుల్ క్రోమ్ లో ఉపయోగిస్తున్నట్లయితే.. ఒకేసారి రెండు ఖాతాలతో లాగిన్ అవ్వచ్చు. ఎలా అంటారా? మొదటి ఖాతాతో నార్మల్ మోడ్ లో లాగిన్ అవ్వండి. రెండో ఖాతాతో Incognito మోడ్ లో లాగిన్ అవ్వండి. సాధారణంగా వాట్సాప్ తో మీరు ఒకేసారి ఒకే అకౌంట్ లో లాగిన్ అవ్వవచ్చు. కానీ ఈ ట్రిక్ ద్వారా మీరు ఒకే బ్రౌజర్ లో రెండు వాట్సాప్ ఖాతాలను ఉపయోగించవచ్చు.
Also Read: ఈ నెలలో కొత్త ఫోన్ కొనాలనుకుంటున్నారా? రూ.15,000లోపు బెస్ట్ ఫోన్స్ ఇవే!
2. WA టూల్ కిట్ ఎక్స్ టెన్షన్
ఈ ఎక్స్ టెన్షన్ ను బ్రౌజర్ కు యాడ్ చేసుకోవడం ద్వారా మీకు రెండు ఫీచర్లు లభిస్తాయి.
❂ బ్యాక్ గ్రౌండ్ నోటిఫికేషన్: మీరు ఏదైనా మెసేజ్ ను చదవడానికి యాప్ ద్వారా వెళ్లాల్సిన అవసరం ఉండదు. ఎక్స్ టెన్షన్ ఐకాన్ ద్వారా మీరు మెసేజ్ లను చదవచ్చు. అంతేకాకుండా మీరు చదవని మెసేజ్ లు ఎన్ని ఉన్నాయో కూడా చెక్ చేయవచ్చు.
❂ చాట్ బబుల్: మెసెంజర్ ను ఉపయోగించేవారికి చాట్ బబుల్ గురించి ప్రత్యేకంగా తెలపాల్సిన అవసరం లేదు. వాట్సాప్ సాధారణంగా చాట్ బబుల్ ను పూర్తిస్థాయి చాట్ విండోగా మారేందుకు అనుమతించదు. దీని కారణంగా మెసేజ్ కేవలం రెండు మూడు లైన్లలో మాత్రమే కనిపిస్తుంది. ఈ టూల్ ద్వారా మీరు చాట్ బబుల్ ను పూర్తిస్థాయి చాట్ విండోగా మార్చవచ్చు.
Also Read: 5,000 mah బ్యాటరీ, 4 కెమెరాల సెటప్.. రూ.9 వేల లోపే.. Realme అదిరిపోయే ఫోన్!
3. ఎమోజీ షార్ట్ కట్
వాట్సాప్ వెబ్ లో మీరు ఎమోజీలను ఉపయోగించడానికి అవసరమైన ఎమోజీ ఐకాన్ టెక్స్ట్ బార్ లో ఎడమవైపు ఉంటుంది. దాని మీద క్లిక్ చేస్తే మీకు ఎమోజీ ట్రే ఓపెన్ అవుతుంది. కానీ మీరు ఎమోజీ ట్రేను ఓపెన్ చేయకుండా ఎమోజీలను ఉపయోగించాలంటే దానికి కూడా ఇందులో ఒక మార్గం ఉంది. మీరు ‘:’ పెట్టి దాని తర్వాత మీకు కావాల్సిన ఎమోజీకి సంబంధించిన మొదటి రెండు అక్షరాలను టైప్ చేయాలి. ఉదాహరణకు మీకు బాధను(sad) వ్యక్తపరిచే ఎమోజీ కావాలనుకుంటే :sa అని టైప్ చేస్తే చాలు.
Also Read: ఎప్పట్నుంచో ఊరిస్తున్న Honor 9x వచ్చేస్తోంది.. ఎప్పుడో తెలుసా?
4. పిక్చర్ ఇన్ పిక్చర్ మోడ్
ఈ పిక్చర్ ఇన్ పిక్చర్ ఫీచర్ వాట్సాప్ వినియోగదారులకు 2018 నుంచి అందుబాటులో ఉంది. ఈ ఫీచర్ ద్వారా వినియోగదారులు యూట్యూబ్, ఫేస్ బుక్, ఇన్ స్టాగ్రామ్ వీడియోలను వాట్సాప్ యాప్ లో నుంచి బయటకు వెళ్లకుండానే చూడవచ్చు. ఈ వీడియో చాట్ లో కుడి వైపు పైభాగంలో ప్లే అవుతుంది. వినియోగదారులు చాట్ చేస్తూనే వీడియోలు కూడా చూడవచ్చు. ఈ ఫీచర్ వాట్సాప్ వెబ్ లో కూడా అందుబాటులో ఉంది.