Friendship Day 2022 : ‘ఫ్రెండ్‌షిప్ డే’ వాట్సాప్‌ స్టిక్కర్స్ ఎలా డౌన్‌లోడ్ చేసుకోవాలి.. ఎలా సెండ్ చేయాలి? ఈ స్టెప్స్ ఫాలో అవండి

Friendship Day 2022 WhatsApp Stickers : ఫ్రెండ్‌షిప్ డే సెలెబ్రేట్ చేసుకునేందుకు స్నేహితులు రెడీ అవుతున్నారు. ప్రతీ సంవత్సరం ఆగస్టు నెలలో మొదటి ఆదివారం రోజున స్నేహితుల దినోత్సవం (Friendship Day) జరుపుకుంటాం. అంటే నేడు (ఆగస్టు 7వ తేదీ) ఫ్రెండ్ షిప్ ‌డే అన్న మాట. తమ మధ్య ఉన్న బంధాన్ని షేర్ చేసుకునేందుకు, వ్యక్తం చేసేందుకు దీన్ని ప్రత్యేకమైన రోజుగా స్నేహితులు భావిస్తారు. ఎంతో ఉత్సాహంగా జరుపుకుంటారు. శుభాకాంక్షలు చెప్పుకుంటారు. అయితే కొందరు స్నేహితులు ఒకే ఊరిలో ఉండకపోవచ్చు.. ఆరోజున కలిసే అవకాశం లేకపోవచ్చు. అలాంటి వారు మొబైల్స్ ద్వారా Friendship Day శుభాకాంక్షలు చెప్పుకుంటారు. సోషల్ మీడియా, మెసేజింగ్ యాప్స్ వేదికగా విష్ చేసుకుంటారు. ముఖ్యంగా చాలామంది వాట్సాప్‌ (WhatsApp) ద్వారా ఫ్రెండ్‌షిప్ డే శుభాకాంక్షలు తెలుపుకుంటారు. సాధారణంగా టెక్స్ట్, ఫొటోల రూపంలో కాకుండా స్టిక్కర్స్ (Stickers), Gifs రూపంలో విషెస్ పంపితే మరింత ఆకర్షణీయంగా ఉంటుంది. మరి వాట్సాప్‌కు Friendship Day స్టిక్కర్స్ ఎలా యాడ్ చేసుకోవాలి, ఎలా సెండ్ చేయాలో చూడండి.
WhatsAppకు ఫ్రెండ్‌షిప్ డే స్టిక్కర్స్ యాడ్ చేసుకుని, సెండ్ చేసుకునేందుకు ఈ స్టెప్స్ ఫాలో అవండి..

1. ముందుగా మీ మొబైల్‌లో గూగుల్ ప్లే స్టోర్ (Google Play Store) యాప్‌ ఓపెన్ చేయండి.
2. ప్లే స్టోర్ సెర్చ్ బార్‌లో ఫ్రెండ్‌షిప్ డే స్టిక్కర్స్ (Friendship Day Stickers) లేకపోతే హ్యాపీ ఫ్రెండ్‌షిప్ డే స్టిక్కర్స్ (Happy Friendship Day Stickers) అని టైప్ చేసి, సెర్చ్ చేయండి.
3. ఆ తర్వాత కింద చాలా స్టిక్కర్స్ యాప్స్ కనిపిస్తాయి. నచ్చిన యాప్‌పై ట్యాప్ చేసి డౌన్‌లోడ్ చేసుకోండి.
4. ఇన్‌స్టాల్ అయ్యాక ఆ స్టిక్కర్స్ యాప్‌ ఓపెన్ చేయండి.
5. ఆ యాప్‌లో నచ్చిన స్టిక్కర్‌పై ‘+’ ఐకాన్ లేదా యాడ్ టూ వాట్సాప్‌ బటన్‌పై ట్యాప్ చేయాలి. అంతే వాట్సాప్‌కు ఆ స్టిక్కర్స్ యాడ్ అవుతాయి.
6. ఆ తర్వాత మొబైల్‌లో వాట్సాప్‌ యాప్‌ ఓపెన్ చేయాలి.
7. మీరు విషెస్ పంపాలనుకుంటున్న కాంటాక్ట్ (చాట్)‌‌లోకి వెళ్లాలి.
8. టెక్స్ట్ బార్ పక్కనే ఉండే ఎమోజీ సింబల్‌పై ట్యాప్ చేయాలి. ఆ తర్వాత Gif బటన్ పక్కనే స్టిక్కర్ ఐకాన్ కనిపిస్తుంది.
9. స్టిక్కర్ ఐకాన్‌పై ట్యాప్ చేయగానే.. స్టిక్కర్స్ యాప్‌ ద్వారా మీరు యాడ్ చేసిన ఫ్రెండ్‌షిప్ డే స్టిక్కర్స్ అక్కడ కనిపిస్తాయి.
10. ఏ స్టిక్కర్ పంపాలనుకుంటున్నారో దానిపై ట్యాప్ చేస్తే సెండ్ అయిపోతుంది.

ఈ స్టెప్స్ ఫాలో అయి ఫ్రెండ్‌షిప్ డే స్టిక్కర్స్‌ (WhatsApp Friendship day Stickers)ను ఆండ్రాయిడ్‌ స్మార్ట్‌ఫోన్‌ యూజర్లు వాట్సాప్‌కు యాడ్ చేసుకోవచ్చు. ఇష్టమైన వారికి పంపించవచ్చు.

అయితే ఐఫోన్ యూజర్లు ఇలా థర్డ్ పార్టీ యాప్స్ నుంచి స్టిక్కర్స్ యాడ్ చేసుకునే సదుపాయం ఉండదు. అందుకే ఆండ్రాయిడ్‌ ఫోన్‌ యూజర్లను స్టిక్కర్స్ ఫార్వార్డ్ చేయాలని అడిగి.. యాడ్ చేసుకోవచ్చు.