Mother’s Day 2022 : వాట్సాప్‌కు మదర్స్ డే స్టిక్కర్స్ ఎలా యాడ్ చేయాలి.. ఎలా సెండ్ చేయాలో చూడండి

ప్రపంచంలో అన్నింటికన్నా అపూర్వమైనది తల్లి ప్రేమ. పిల్లల శ్రేయస్సు కోసం మాతృమూర్తులు ఎన్నో త్యాగాలు చేస్తూ నిరంతరం శ్రమిస్తారు. వారి బాగోగులను చూసుకుంటూ కాపాడుతారు.అంతులేని ఆప్యాయతను పంచుతారు. అలాంటి మాతృమూర్తులకు ధన్యవాదాలు చెప్పుకునేందుకు ప్రతీ సంవత్సరం మే రెండో ఆదివారం రోజున మదర్స్ డే ( Mother’s Day ) ను జరుపుకుంటున్నాం. అందుకే రేపు (మే 8వ తేదీ - May 8th) మాతృ దినోత్సవం ( Mother’s Day 2022 ) నిర్వహించేందుకు అందరూ సిద్ధమయ్యారు. ఈ రోజున తల్లి దగ్గరే ఉండి శుభాకాంక్షలు చెప్పాలని పిల్లలందరూ కోరుకుంటారు. అయితే ఉద్యోగం, విద్య ఇలా తదితర కారణాలతో కొందరు అమ్మకు దూరంగా ఉంటారు. అలాంటి వారు ఆన్‌లైన్ ద్వారా మదర్స్ డే విషెస్ చెప్పేందుకు సిద్ధమవుతున్నారు. అయితే టెక్స్ట్, ఫొటోల రూపంలోనే కాకుండా ప్రముఖ మెసేజింగ్ యాప్‌ వాట్సాప్‌ ద్వారా స్టిక్కర్ల రూపంలోనూ ఆకర్షణీయంగా మదర్స్ డే విషెస్ చెప్పవచ్చు. ఇందుకోసం చాలా వాట్సాప్‌ సిక్కర్స్ అందుబాటులో ఉన్నాయి. మరి వాట్సాప్‌కు మదర్స్ డే స్టిక్కర్స్ ( Mother’s Day WhatsApp Stickers ) ఎలా యాడ్ చేసుకోవాలి.. ఎలా సెండ్ చేయాలో చూడండి.

వాట్సాప్‌కు మదర్స్ డే స్టిక్కర్స్ ఎలా డౌన్‌లోడ్ చేసుకోవాలంటే..

• ముందుగా మీ స్మార్ట్‌ఫోన్‌లో గూగుల్ ప్లే స్టోర్ ( Google Play Store ) ఓపెన్ చేయండి.
• సెర్చ్ బార్‌లో మదర్స్ డే వాట్సాప్‌ స్టిక్కర్స్ ( Mothers Day WhatsApp Stickers ) అని టైప్ చేయండి.
• కింద మదర్స్ డే స్టిక్కర్స్‌కు సంబంధించిన యాప్స్ కనిపిస్తాయి
• ఆ సిక్కర్స్ యాప్స్‌లో ఇష్టమైన దానిపై ట్యాప్ చేయండి. అనంతరం దాన్ని ఇన్‌స్టాల్ చేసి, ఓపెన్ చేయండి.
• స్టిక్కర్స్ యాప్‌ ఓపెన్ చేయగానే అందులో మదర్స్ డే సిక్కర్ ప్యాక్స్ కనిపిస్తాయి.
• ఇష్టమైన స్టిక్కర్స్‌పై ట్యాప్ చేస్తే యాడ్ టూ వాట్సాప్‌ ( Add to WhatsApp ) అని వస్తుంది. దానిపై క్లిక్ చేయండి. అంతే ఆ స్టిక్కర్స్ వాట్సాప్‌కు యాడ్ అవుతాయి.
• ఆ తర్వాత వాట్సాప్‌ యాప్‌ ఓపెన్ చేయండి. మీరు విషెస్ పంపాలనుకున్న కాంటాక్ట్ చాట్‌లోకి వెళ్లండి.
• టెక్స్ట్ బాక్స్ పక్కనే ఉండే ఎమోజీ సింబల్‌పై క్లిక్ చేయండి. అనంతరం gif సింబల్ పక్కనే స్టిక్సర్స్ సెక్షన్‌పై ట్యాప్ చేయండి. అక్కడే మీరు మదర్స్‌ డే స్టిక్కర్స్ యాప్స్ ద్వారా యాడ్ చేసినని కనిపిస్తాయి. ఏదైనా స్టిక్కర్‌పై ట్యాప్ చేస్తే అది సెండ్ అవుతుంది.