ఫ్రెండ్‌షిప్ డే శుభాకాంక్షలు.. కొత్తగా ఇలా కూడా చెప్పవచ్చు!

ప్రస్తుతం ఆన్ లైన్ జీవితంలో స్టిక్కర్లు ఒక భాగమై చాలా కాలం అవుతుంది. ఇందులో వాట్సాప్ స్టిక్కర్లు చాలా ప్రధానమైనవి. సాధారణ చాటింగ్ కు మాత్రమే కాకుండా శుభాకాంక్షలు తెలుపుకోవడానికి కూడా ఈ స్టిక్కర్లను ఉపయోగించవచ్చు. వీటిని ఉపయోగించి ప్రత్యేకమైన సందర్భాల్లో స్నేహితులకు, కుటుంబసభ్యులకు శుభాకాంక్షలు చెప్పుకోవచ్చు. అటువంటి ప్రత్యేకమైన రోజుల్లో స్నేహితుల రోజు కూడా కచ్చితంగా ఉంటుంది. కాబట్టి మీ వాట్సాప్ లో ఈ కింద తెలిపిన ప్రక్రియను పాటించడం ద్వారా స్టిక్కర్లను సులభంగా షేర్ చేయవచ్చు.

Also Read: నోకియా 65 అంగుళాల టీవీ లాంచ్.. నెలకు రూ.7,223 చెల్లిస్తే చాలు.. వడ్డీ కూడా లేదు!

ఆండ్రాయిడ్ స్మార్ట్ ఫోన్ లో ఇలా..
1. మీ ఆండ్రాయిడ్ స్మార్ట్ ఫోన్ లో గూగుల్ ప్లేస్టోర్ లోకి వెళ్లండి. అందులో పైన ఉన్న సెర్చ్ బార్ పై క్లిక్ చేయండి.
2. అక్కడ Friendship day WhatsApp stickers అని టైప్ చేయండి. అక్కడ మీకు కొన్ని స్టిక్కర్ ప్యాక్ లు కనిపిస్తాయి. వాటిలో మీకు నచ్చిన స్టిక్కర్ ప్యాక్ ను మీరు డౌన్ లోడ్ చేసుకోవచ్చు.
3. డౌన్ లోడ్ అయ్యాక ఆ స్టిక్కర్ ప్యాక్ ఓపెన్ చేసి యాడ్ టు వాట్సాప్ బటన్ ఎక్కడ ఉందో సెర్చ్ చేయండి. దానిపై ట్యాప్ చేసి ప్యాక్ ను యాడ్ చేసుకోండి.
4. ఇప్పుడు వాట్సాప్ ఓపెన్ చేసి చాట్ విండోను ఓపెన్ చేయండి.
5. అక్కడ కనిపించే స్మైలీ బటన్ పై క్లిక్ చేయండి.
6. అక్కడ స్టిక్కర్ ఐకాన్ లోకి వెళ్లి పైన కనిపించే + బటన్ పై క్లిక్ చేయండి.
7. కిందకి వచ్చి మీరు ఇప్పుడు డౌన్ లోడ్ చేసిన స్టిక్కర్ ప్యాక్ ను ఎంచుకోండి.
8. వెంటనే ఆ స్టిక్కర్లు మీ వాట్సాప్ లో యాడ్ అవుతాయి.
9. అందులో మీకు నచ్చిన స్టిక్కర్లను ఎంచుకుని వాటిని ఫేవరెట్లుగా యాడ్ చేసుకోండి.
10. ఆ తర్వాత వాటిని మీకు నచ్చిన వారికి పంపించండి.

Also Read: ఫ్లిప్‌కార్ట్‌లో కనిపించిన భారతీయ కంపెనీ లావా బడ్జెట్ ఫోన్.. ధర రూ.8 వేల లోపే!

ఐఫోన్ లో ఇలా పంపండి..
ఐఫోన్ యూజర్లకు వాట్సాప్ స్టిక్కర్లు డౌన్ లోడ్ చేసుకునే ఆప్షన్ లేదు. కానీ వాటిని పంపవచ్చు. ఎవరైనా మీకు పంపిన వాట్సాప్ స్టిక్కర్లను మీరు కావాల్సిన వారికి పంపుకోవచ్చు.