స్వాతంత్ర దినోత్సవ శుభాకాంక్షలు.. కాస్త కొత్తగా చెప్పండిలా!

భారతదేశంలో కుల, మతాలకు అతీతంగా జరుపుకునే పండుగలు చాలా తక్కువగా ఉంటాయి. వాటిలో ముందువరుసలో ఉండే స్వాతంత్ర దినోత్సవాలు. ప్రతి యేటా ఆగస్టు 15వ తేదీన దేశమంతా పెద్ద పండగలా జరుపుకుంటారు. అయితే ఈ సంవత్సరం కరోనా మహమ్మారి ప్రభావం ఈ వేడుకలపై కూడా పడింది. ఎప్పటిలా ఈ పండుగను అందరితో కలిసి జరుపుకోలేం. కాబట్టి ఈ స్వాతంత్ర దినోత్సవాల సందర్భంగా మీ స్నేహితులకు, బంధువులకు వాట్సాప్ స్టిక్కర్ల ద్వారా వినూత్నంగా శుభాకాంక్షలు తెలపండి. వీటిని సులభంగా డౌన్ లోడ్ చేసుకుని, షేర్ చేయడానికి కింద తెలిపిన ప్రక్రియను అనుసరించండి.

Also Read: నోకియా 2.4 స్పెసిఫికేషన్లు లీక్.. మొత్తం రెండు వేరియంట్లలో?

ఆండ్రాయిడ్ స్మార్ట్ ఫోన్ లో ఇలా..
1. మీ ఆండ్రాయిడ్ ఫోన్ లో గూగుల్ ప్లేస్టోర్ లోకి వెళ్లండి. అందులో పైన సెర్చ్ బార్ ఉంటుంది. దానిపై క్లిక్ చేయండి.
2. అక్కడ Independence Day WhatsApp stickers అని టైప్ చేయండి. అక్కడ మీకు కొన్ని స్టిక్కర్ ప్యాక్ లు కనిపిస్తాయి. వాటిలో మీకు నచ్చిన స్టిక్కర్ ప్యాక్ ను డౌన్ లోడ్ చేసుకోండి.
3. డౌన్ లోడ్ అయ్యాక ఆ స్టిక్కర్ ప్యాక్ ఓపెన్ చేసి అందులో యాడ్ టు వాట్సాప్ బటన్ ఎక్కడ ఉందో చూడండి. దానిపై ట్యాప్ చేసి మీకు కావాల్సిన ప్యాక్ ను యాడ్ చేసుకోండి.
4. ఇప్పుడు వాట్సాప్ ఓపెన్ చేయండి. మీరు ఎవరికి స్టిక్కర్లను పంపాలనుకుంటున్నారో వారి చాట్ విండోను ఓపెన్ చేయండి.
5. అక్కడ కనిపించే ఎడమవైపు స్మైలీ బటన్ కనిపిస్తుంది. దానిపై క్లిక్ చేయండి.
6. అక్కడ స్టిక్కర్ ఐకాన్ లోకి వెళ్లి అక్కడ కనిపించే + బటన్ పై క్లిక్ చేయండి.
7. కిందకి వచ్చి మీరు ఇప్పుడు డౌన్ లోడ్ చేసిన స్టిక్కర్ ప్యాక్ ను ఎంచుకోండి.
8. వెంటనే ఆ స్టిక్కర్లు మీ వాట్సాప్ లో యాడ్ అవుతాయి.
9. అందులో మీకు నచ్చిన స్టిక్కర్లను ఎంచుకుని వాటిని ఫేవరెట్లుగా యాడ్ చేసుకోండి.
10. ఆ తర్వాత వాటిని మీకు నచ్చిన వారికి పంపించేయవచ్చు.

Also Read: బ్యాడ్ న్యూస్.. ఐఫోన్ 12 లాంచ్ వాయిదా? వచ్చేది అప్పుడే!

ఐఫోన్ లో ఇలా..
ఐఫోన్ యూజర్లకు వాట్సాప్ స్టిక్కర్లు డౌన్ లోడ్ చేసుకునే ఆప్షన్ ప్రత్యేకంగా లేదు. కానీ వేరేవారు ఎవరైనా మీకు పంపిన వాట్సాప్ స్టిక్కర్లను ఫార్వర్డ్ చేయడం ద్వారా వేరే వారికి పంపవచ్చు.