Ganesh Chaturthi 2022 : వాట్సాప్‌ స్టిక్కర్స్‌‌తో ఆకర్షణీయంగా శుభాకాంక్షలు చెప్పండి.. స్టిక్కర్స్ ఎలా యాడ్ చేసుకోవాలి.. ఎలా సెండ్ చేయాలంటే..

Ganesh Chaturthi 2022 : వినాయక చవితి (Vinayaka Chavithi) పండుగను ఘనంగా జరుపునేందుకు దేశమంతా సిద్ధమైంది. బుధవారం రోజున (ఆగస్టు 31) గణేశ్ చతుర్థి (Ganesh Chaturthi) వేడుకగా జరుగనుంది. ప్రతీ వీధిలో వినాయక విగ్రహాలు ప్రతిష్టించి ప్రజలు ఉత్సవాలు జరుపుకోనున్నారు. వినాయక చవితి సందర్భంగా కొందరు స్మార్ట్‌ఫోన్‌ల నుంచి సన్నిహితులకు, ఇష్టమైన వారికి శుభాకాంక్షలు పంపుతారు. తమకు సమీపంలో లేని వారికి ఫోన్‌ ద్వారా విషెస్ చెబుతారు. అంతా మంచే జరగాలని ఆకాంక్షిస్తారు. అయితే మెసేజింగ్ యాప్‌ వాట్సాప్‌ (WhatsApp) ద్వారా స్టిక్కర్స్‌ రూపంలో శుభాకాంక్షలు పంపొచ్చు. సాధారణంగా టెక్ట్స్, ఫొటోల రూపంలో కాకుండా స్టిక్కర్స్‌ (WhatsApp Stickers) ను సెండ్ చేయవచ్చు. అయితే ఇందుకోసం ముందుగా వాట్సాప్‌కు గణేశ్ చతుర్థి స్టిక్కర్స్ (Ganesh Chaturthi Stickers) యాడ్ చేసుకోవాలి. అదెలానో చూడండి.

వాట్సాప్‌కు గణేశ్ చతుర్థి వాట్సాప్‌ స్టిక్కర్స్‌ను ఎలా యాడ్ చేసుకోవాలంటే..

1. ముందుగా మీ స్మార్ట్‌ఫోన్‌లో గూగుల్ ప్లే స్టోర్ ( Google Play Store ) యాప్‌ను ఓపెన్ చేయండి.
2. సెర్చ్ బార్‌లో గణేశ్ చతుర్థి స్టిక్కర్స్ ( Ganesh Chaturthi Stickers ) లేదా గణేశ్ చతుర్థి వాట్సాప్‌ స్టిక్కర్స్ ( Ganesh Chaturthi WhatsApp Stickers ) అని టైప్ చేయండి.
3. కింద చాలా రిజల్ట్స్ వస్తాయి. అందులో ఇష్టమైన స్టిక్కర్ యాప్‌పై ట్యాప్ చేయండి.
4. ఆ స్టిక్కర్స్ యాప్‌ను డౌన్‌లోడ్ చేసుకోండి. ఆ యాప్‌ను ఓపెన్ చేయండి.
5. ఆ స్టిక్కర్ యాప్‌లో ఇష్టమైన స్టిక్కర్‌పై ట్యాప్ చేయండి. ఆ తర్వాత యాడ్ టూ వాట్సాప్‌ లేదా + సింబల్ కనిపిస్తుంది. దానిపై ట్యాప్ చేయండి. అంతే ఆ వినాయక చతుర్థి స్టిక్కర్స్.. వాట్సాప్‌కు యాడ్ అవుతాయి.
6. ఆ తర్వాత వాట్సాప్‌ యాప్‌ ఓపెన్ చేయండి. విషెస్ ఎవరికి పంపాలనుకుంటున్నారో వారి చాట్‌లోకి వెళ్లండి.
7. కింద మెసేజ్ టైప్ చేసే టెక్స్ట్ బాక్స్ పక్కనే ఎమోజీ సింబల్ కనిపిస్తుంది. దానిపై ట్యాప్ చేశాక GIF సింబల్ పక్కనే స్టిక్కర్స్ ఐకాన్ కనిపిస్తుంది.
8. స్టిక్కర్ ఐకాన్‌పై ట్యాప్ చేయగానే.. మీరు స్టిక్కర్ యాప్‌ నుంచి యాడ్ చేసిన గణేశ్ చతుర్థి స్టిక్కర్స్ కనిపిస్తాయి. ఏది పంపాలనుకుంటున్నారో దానిపై ట్యాప్ చేస్తే చాలు.. అది సెండ్ అవుతుంది.

ఈ స్టెప్స్‌ను పాటించి ఆండ్రాయిడ్‌ స్మార్ట్‌ఫోన్‌ యూజర్లు ఇష్టమైన వారికి వినాయక చవితి శుభాకాంక్షలను వాట్సాప్‌ ద్వారా స్టిక్కర్స్ రూపంలో పంపవచ్చు.