వాట్సాప్ స్టిక్కర్లంటే?
మొదట్లో వాట్సాప్ ద్వారా శుభాకాంక్షలు తెలపాలంటే.. కేవలం మెసేజ్ లు మాత్రమే. తర్వాత మెల్లగా ఫొటోలు, జిఫ్ లు ఆ స్థానాన్ని ఆక్రమించాయి. కానీ ఇప్పుడు మొత్తం స్టిక్కర్లే. కేవలం శుభాకాంక్షలు తెలపడానికి మాత్రమే కాకుండా సందర్భానికి తగ్గట్లుగా చాట్ చేసుకోవడానికి, కామెడీ చేయడానికి కూడా వాట్సాప్ లో స్టిక్కర్లనే ఉపయోగిస్తున్నారు. దీంతో ఈ మధ్యకాలంలో వాట్సాప్ లో స్టిక్కర్లు బాగా ఫేమస్ అయ్యాయి.
Also Read: Vivo స్మార్ట్ ఫోన్లపై Amazonలో భారీ ఆఫర్లు.. రూ.13,800 వరకు తగ్గింపు.. నేడే లాస్ట్!
ఆండ్రాయిడ్ లో స్టిక్కర్లు ఎలా డౌన్ లోడ్ చేయాలంటే!
గూగుల్ ప్లే స్టోర్ లో ‘Stickers For Whatsapp’ అని టైప్ చేస్తే చాలు! అక్కడ మీకు చాలా యాప్ లు కనిపిస్తాయి. వాటిలో తెలుగుకు సంబంధించిన స్టిక్కర్లు అందించే యాప్ లు కూడా ఎన్నో ఉంటాయి. వాటిలో మీకు నచ్చిన, సరిపోతుంది అనుకున్న యాప్ ను డౌన్ లోడ్ చేసుకోండి. కాకపోతే యాప్ ను డౌన్ లోడ్ చేసేముందు దాని రివ్యూలు, రేటింగులు కూడా చూసుకోవడం చాలా ముఖ్యం. ఎందుకంటే మోసపూరితమైన యాప్ లను డౌన్ లోడ్ చేసుకుంటే మీ ఫోన్ హ్యాక్ అవ్వడం, డేటాను కోల్పోవడం వంటి ప్రమాదాలు ఎన్నో ఉంటాయి.
Also Read: Samsung Galaxy Z Flip: ధర, ఫీచర్లు తర్వాత సంగతి? దీని డిజైనే సూపర్!
మరి ఐఫోన్ వినియోగదారులు?
ఆపిల్ యాప్ స్టోర్ లో థర్డ్ పార్టీ యాప్స్ కు నిబంధనలు చాలా కఠినంగా ఉంటాయి. కాబట్టి ఐఫోన్ వినియోగదారులకు ఆండ్రాయిడ్ తో పోలిస్తే స్టిక్కర్ యాప్ లు చాలా తక్కువ అందుబాటులో ఉంటాయి. కానీ ఐఫోన్ వినియోగదారులు తమకు ఆండ్రాయిడ్ ఫోన్ ఉపయోగించేవారు పంపే స్టిక్కర్లను వేరే వారికి ఫార్వర్డ్ చేయవచ్చు. కాబట్టి ఐఫోన్ వాడుతుంటే మీ ఆండ్రాయిడ్ ఫోన్ వాడే స్నేహితుల దగ్గర వాట్సాప్ స్టిక్కర్లను డౌన్ లోడ్ చేయించండి.
ఆండ్రాయిడ్ లో వాట్సాప్ స్టిక్కర్లు ఎలా పంపాలంటే..
ముందుగా మీరు డౌన్ లోడ్ చేసుకున్న యాప్ లో వాలంటైన్స్ డే వాట్సాప్ స్టిక్కర్లను డౌన్ లోడ్ చేసుకోండి. అనంతరం మీరు వాట్సాప్ ని ఓపెన్ చేసి మీ ప్రియుడు/ప్రియురాలి చాట్ ఓపెన్ చేసి కిందనున్న కీబోర్డ్ ను ఓపెన్ చేయండి. దీని పక్కనే కనిపించే స్మైలీ బటన్ పై క్లిక్ చేస్తే.. కింద మీకు స్మైలీ, జిఫ్, స్టిక్కర్ వంటి ఆప్షన్లు కనిపిస్తాయి.
Also Read: Samsung Galaxy S20 Ultra: S20, S20+ లను మించే ఫోన్ ఇదే! Appleకు గట్టిపోటీ!
స్టిక్కర్లను కచ్చితంగా యాడ్ చేసుకోవాలి
స్టిక్కర్ల మీద క్లిక్ చేస్తే కుడివైపు మీకు ‘+’ బటన్ కనిపిస్తుంది. దాని మీద క్లిక్ చేసి మీరు స్టిక్కర్లను యాడ్ చేసుకోవచ్చు. అక్కడ మీరు ముందుగా డౌన్ లోడ్ చేసుకున్న స్టిక్కర్ యాప్ లో ఉన్న స్టిక్కర్లను ఇక్కడ యాడ్ చేసుకుని మీ భాగస్వామికి పంపించవచ్చు. ఈ వాలంటైన్స్ డేను మీ భాగస్వామితో సంతోషంగా జరుపుకోండి.