Smartphone Tracking మీ స్మార్ట్‌ఫోన్‌ పోయిందా? దాన్ని ట్రాక్ చేయడమెలాగో తెలుసుకోండి...

Smartphone Tracking ఈరోజుల్లో స్మార్ట్‌ఫోన్‌లోనే ప్రతి ఒక్కరూ మొత్తం డేటాను స్టోర్ చేసుకుంటారనడంలో ఎలాంటి సందేహం లేదు. ఇంకా కొందరైతే స్మార్ట్‌ఫోన్‌లోనే పర్సనల్ ఇన్ఫర్మేషన్, బ్యాంకింగ్ వివరాలు, ఫొటోలు, వీడియోలు అన్నింటినీ సేవ్ చేసుకుంటుంటారు. అయితే స్మార్ట్‌ఫోన్‌ పోగొట్టుకున్నప్పుడు చాలా బాధగా ఉంటుంది. ఇలా ఫోన్ చోరీకి గురైనప్పుడు లేదా ఎక్కడైనా మిస్ చేసుకున్నప్పుడు పోలీసుస్టేషనులో ఫిర్యాదు చేయడం లేదా దాని మీద ఆశలు వదులుకోవడం వంటివి చేస్తారు. అయితే మీ స్మార్ట్‌ఫోన్‌ పోయినప్పుడు అందులోని డేటాను సురక్షితంగా ఉంచుకునేందుకు.. ఎవరికీ దొరకకుండా ఉండేందుకు కొన్ని పనులు చేయాలి. అలాగే ఫోన్ పోగొట్టుకుంటే అది ఎక్కడుంది.. దాన్ని తిరిగి ఎలా పొందొచ్చు.. ఆ ఫోన్‌ను ఎలా ట్రాక్ చేయాలనే ఆసక్తికరమైన విషయాలను ఇప్పుడు తెలుసుకుందాం...

ఆండ్రాయిడ్ డివైజ్‌లో గూగుల్ అందించే ప్రత్యేక ఫీచర్ Find My Device. దీన్ని ఉపయోగించి మీ ఫోన్ ను ఎక్కడైనా మరచిపోయినా లేదా పోగొట్టుకున్న ఈజీగా ట్రాక్ చేయొచ్చు. దీని వల్ల మీ ఫోన్ ఎక్కడుందో తెలుసుకోవచ్చు. ఒకవేళ మీ ఫోన్ దొంగిలించబడితే.. దాన్ని ట్రాక్ చేయడానికి కొన్ని పనులు చేయాలి.

Smart Phone Tips మీ స్మార్ట్‌ఫోన్ సడెన్‌గా నీళ్లలో పడిందా.. వెంటనే ఇలా చేయండి...

ముందుగా యూజర్లు తమ గూగుల్ ఖాతాతో లాప్‌టాప్ లేదా సిస్టమ్‌లో లేదా ఇతర ఫోన్లో Find My Device సర్వీసులో లాగిన్ అవ్వాలి.

ఆ తర్వాత ఫైండ్ మై డివైజ్ ఫోన్ ద్వారా లొకేషన్‌ను ట్రేస్ చేసి, మ్యాప్‌లో మీ మొబైల్ ఉండే లొకేషన్‌ను చూడొచ్చు. మీ ఫోన్ ట్రాక్ చేయడానికి ఇందులో మూడు ఆప్షన్లు సైతం కనిపిస్తాయి. అందులో మొదటిది సౌండ్ ప్లే.. రెండోది సెక్యూర్ డివైజ్.. మూడోది ఎరేజ్ డేటా.
మీరు సౌండ్ ప్లే ఆప్షన్‌ను సెలెక్ట్ చేసుకుంటే, ఆ ఫోన్ సైలెంటులో ఉన్నా, కొన్ని సందర్భాల్లో స్విచ్ఛాఫ్‌లో ఉన్నా కూడా మీకు దగ్గర్లో ఫోన్ ఉంటే దాదాపు 5 నిమిషాల పాటు సెల్ రింగ్ అవుతుంది.

అంతేకాదు మరోవైపు స్మార్ట్‌ఫోన్‌లో ఉన్న డేటాను సురక్షితంగా ఉంచేందుకు దాన్ని లాక్ చేయొచ్చు లేదా ఫోన్ ఎవరికైనా దొరికితే వారికీ ఆ ఫోన్ మీదే మెసెజ్ ద్వారా వివరాలు షేర్ చేయొచ్చు. గూగుల్ అకౌంట్ నుంచి సైన్-అవుట్ అయిన తర్వాత కూడా ఫోన్ లొకేషన్ మ్యాప్‌లో చూపిస్తుంది.

Poco F5 5G లేటెస్ట్ ఫీచర్లతో వచ్చేసిన పోకో ఎఫ్5 స్మార్ట్‌ఫోన్.. అదిరిపోయే ఆఫర్లతో సేల్స్ ఆరంభం..

ఒకవేళ మీ ఫోన్ దొంగిలించబడితే.. దాన్ని మీరు కనిపెట్టిన వారు ఇవ్వడానికి విముఖత చూపితే.. మీ ఫోన్‌లో ఉండే విలువైన డేటాను డిలీట్ చేసే ఆప్షన్‌ను వాడి విలువైన సమాచారాన్ని మొత్తం సులభంగా తొలగించొచ్చు.

నేరుగా వెబ్‌సైట్ నుంచి..
ఒకవేళ మీ ఫోన్ చోరీకి గురైతే.. ఆ స్మార్ట్‌ఫోన్‌‌ను ఇతరులు వాడకుండా ఉండేందుకు టెలి కమ్యూనికేషన్ శాఖ ఓ ప్రత్యేక వెబ్‌సైట్‌ను అందుబాటులో ఉంచింది. ఈ వెబ్‌సైట్‌లో మీ పూర్తి వివరాలు సమర్పించి ఫోన్‌ను బ్లాక్ చేయొచ్చు. దీని కోసం ముందుగా www.ceir.gov.in వెబ్‌సైట్‌లోకి వెళ్లాలి. అక్కడ మీ ఫోన్ గురించి పూర్తి వివరాలను నమోదు చేయాలి. దాని కంటే ముందే పోలీసు స్టేషనులో ఎఫ్ఐఆర్ నమోదు చేయాలి. ఆ తర్వాత IMEI నంబరుతో పాటు ఎఫ్ఐఆర్ నెంబర్‌ను ఆ సైటులో ఎంటర్ చేసి, ఆన్‌లైన్ ఫామ్‌ను పూర్తి చేస్తే చాలు.. మీ మొబైల్ బ్లాక్ అయిపోతుంది. అప్పటినుంచి మీ ఫోనులోని డేటాను ఎవ్వరూ ఓపెన్ చేయలేరు. ఒకవేళ మీ ఫోన్ దొరికితే మళ్లీ దరఖాస్తు చేసుకుని అన్ బ్లాక్ కూడా చేసుకోవచ్చు.

Read Latest Tech News and Telugu News