Offline Gmail Step-by-Step Guide : ఇంటర్నెట్ లేకుండా జీమెయిల్‌లో మెయిల్స్ చదవొచ్చు - ఎలా సెట్ చేసుకోవాలంటే..

ప్రపంచంలో మెయిల్స్ కోసం ఎక్కువ మంది వినియోగించే ప్లాట్‌ఫామ్ జీమెయిల్ (Gmail). డెస్క్‌టాప్‌లు, ల్యాప్‌టాప్‌ల నుంచి మొబైల్స్ వరకు చాలా డివైజ్‌ల్లో జీమెయిల్‌ను సులువుగా వినియోగించుకోవచ్చు. అందుకు తగ్గట్టుగా జీమెయిల్‌లో చాలా ఫీచర్లు ఉన్నాయి. అయితే ఇప్పటి వరకు ఆఫ్‌లైన్‌లో ఈ-మెయిల్స్ స్టోర్ చేసుకునే సదుపాయం లేదు. ఈ లోటును కూడా జీమెయిల్ ఇప్పుడు తీర్చేసింది. ఇంటర్నెట్ లేని సమయంలోనూ ఈమెయిల్స్ చదువుకునే విధంగా కొత్త ఫీచర్‌ను గూగుల్ తీసుకొచ్చింది. ప్రస్తుతం డెస్క్‌టాప్, ల్యాప్‌టాప్‌లో గూగుల్ క్రోమ్‌ (Google Chrome) జీమెయిల్ వాడుతున్న వారు ఆఫ్‌లైన్‌లో మెయిల్స్ చదవొచ్చు. ఇందుకు సెట్టింగ్స్ ఎలా చేసుకోవాలంటే..

ఇంటర్నెట్ లేకున్నా జీమెయిల్ యాక్సెస్ చేయండిలా..

• ముందుగా మీ PC/ల్యాప్‌టాప్‌లోని గూగుల్ క్రోమ్ బ్రౌజర్‌లో జీమెయిల్ ఓపెన్ చేయండి.
• ఆ తర్వాత స్క్రీన్ పైకుడి భాగాన సెట్టింగ్స్ సింబల్ కనిపిస్తోంది.
• దానిపై క్లిక్ చేశాక.. సీ ఆల్‌ సెట్టింగ్స్‌ (See All Setting)లోకి వెళ్లాలి.
• అప్పుడు ట్యాబ్స్‌లా కొన్ని ఆప్షన్స్ కనిపిస్తాయి. అందులో ఆఫ్‌లైన్ (Offline) ఆప్షన్‌పై క్లిక్ చేయండి.
• అక్కడ కనిపించే ఎనేబుల్ ఆఫ్‌లైన్ మెయిల్‌ (Enable Offline Mail)ను సెలెక్ట్ చేసుకోవాలి.
• అప్పుడు ఆఫ్‌లైన్ జీమెయిల్ కోసం మరిన్ని ఆప్షన్లు వస్తాయి. ఎన్ని రోజుల ఈమెయిల్స్ ఆఫ్‌లైన్‌లో స్టోర్ కావాలో టైమ్ ఫ్రేమ్‌ను ఎంపిక చేసుకోవాలి. 7 రోజులు, 30 రోజులు, 90 రోజుల ఆప్షన్స్ ప్రస్తుతం అందుబాటులో ఉన్నాయి.
• మీరు ఎన్ని రోజుల ఈ-మెయిల్స్ కావాలో సెలెక్ట్ చేసుకొని సేవ్ చేంజెస్ బటన్‌ (Save Changes) పై క్లిక్ చేయాలి. ఇంటర్నెట్ లేనప్పుడు ఈ ఈమెయిల్స్ చదవాలి కాబట్టి ఈ పేజ్‌ను బుక్‌మార్క్‌గా సెట్ చేసుకోవాలి. అందుకు కోసం కీబోర్డ్‌లో Ctrl+D షార్ట్‌కట్‌ను వాడాలి. అనంతరం సింక్ పూర్తయ్యాక డన్‌ బటన్‌పై క్లిక్ చేయాలి. పాపప్ వస్తే దానిలో కూడా డన్ అనే ఆప్షన్‌ను ఎంచుకోవాలి.

ఇప్పుడు జీమెయిల్‌లోని ఆ మెయిల్స్‌ను మీరు ఇంటర్నెల్ లేకుండా కూడా చదవొచ్చు. సింపుల్‌గా బుక్‌మార్క్ సెక్షన్‌ను ఓపెన్ చేయాలి. మీరు సేవ్ చేసిన బుక్‌మార్క్‌పై క్లిక్ చేయాలి. అప్పుడు స్టోర్ అయిన ఈ-మెయిల్స్ అన్నీ కనిపిస్తాయి.

అయితే ఆఫ్‌లైన్‌లో ఉన్నప్పుడు జీమెయిల్‌లో మెయిల్స్ పంపడం కానీ, రిసీవ్ చేసుకోవడం కానీ సాధ్యం కాదు. ఈ కొత్త ఫీచర్ వల్ల ఇది వరకే వచ్చిన ఈ మెయిల్స్‌ను ఆఫ్‌లైన్‌లో ఉన్నప్పుడు యాక్సెస్ చేసుకోవచ్చు. ట్రావెలింగ్‌లో ఉన్నప్పుడు ముఖ్యమైన మెయిల్స్ చదవాల్సి వస్తే ఈ కొత్త ఫీచర్ చాలా ఉపయోగకరంగా ఉంటుంది. మెయిల్స్ సెండ్, రిసీవ్ చేసుకోవాలంటే ఇంటర్నెట్ తప్పకుండా ఉండాలి.