WhatsApp : ఆరు కాదు.. ఏ ఎమోజీతోనైనా రియాక్షన్.. మీరు ట్రై చేశారా? ఎలాగంటే..

ప్రముఖ మెసేజింగ్ యాప్‌ వాట్సాప్‌(WhatsApp) లో కొత్త ఫీచర్లతో పాటు ఇప్పటికే ఉన్న కొన్నింటికి అదనపు హంగులు జత అవుతున్నాయి. ఫీచర్లను మరింత మెరుగ్గా చేసి కొత్త సదుపాయాలను వాట్సాప్‌ కల్పిస్తోంది. ఈ క్రమంలో మెసేజ్ రియాక్షన్స్‌కు కొత్త సదుపాయాన్ని తెచ్చింది. మెసేజ్‌లతో పాటు ఫొటోలు, వీడియోలకు ఎమోజీలతో రియాక్షన్ ఇచ్చే ఫీచర్‌ను వాట్సాప్‌ ఇటీవల తెచ్చింది. అయితే తాజాగా మెసేజ్ రియాక్షన్‌ను (WhatsApp Message Reactions) మరింత మెరుగుపరిచింది.

ఎమోజీ మెసేజ్ రియాక్షన్ ఫీచర్‌ను వాట్సాప్‌ ఈ సంవత్సరం మొదట్లోనే తీసుకొచ్చింది. అయితే ముందుగా ఆరు ఎమోజీలను మాత్రమే ఈ రియాక్షన్ ఫీచర్ కింద తీసుకొచ్చింది. అంటే లైక్, లవ్, లాఫ్, సర్‌ప్రైజ్, సాడ్, థ్యాంక్స్ ఎమోజీలతోనే రియాక్షన్ ఇచ్చే సదుపాయం ఉండేది. తాజాగా ఏ ఎమోజీతోనైనా మెసేజ్ రియాక్షన్ ఇచ్చే సదుపాయాన్ని తీసుకొచ్చింది. ముందుగా బీటా వెర్షన్‌కు ఈ ఫీచర్‌ను ఇవ్వగా.. క్రమంగా సాధారణ యూజర్లకు రోల్అవుట్ చేసింది. ప్రస్తుతం వాట్సాప్‌ యూజర్లందరూ.. ఏ ఎమోజీతోనే మెసేజ్ రియాక్షన్ ఇవ్వొచ్చు.

మెసేజ్ రియాక్షన్ ఎలా..

• ముందుగా వాట్సాప్‌ చాట్‌లోకి వెళ్లాలి.
• రియాక్ట్ అవ్వాలనుకుంటున్న మెసేజ్‌పై ట్యాప్ చేసి.. హోల్డ్ చేసిపట్టుకోవాలి.
• ఆ తర్వాత ఆరు ఎమోజీలు కనిపిస్తాయి. అయితే అవి కాకుండా ఇతర ఎమోజీలతో రియాక్షన్ ఇవ్వాలనుకుంటే పక్కనే ప్లస్ సింబల్ కనిపిస్తుంది.
• ప్లస్ సింబల్‌పై క్లిక్ చేస్తే ఫుల్ ఎమోజీ కీబోర్డ్ వస్తుంది. దాంట్లో ఇష్టమైన ఎమోజీపై ట్యాప్ చేస్తే రియాక్షన్ యాడ్ అవుతుంది.

Also Read: WhatsApp.. సైలెంట్‌గా సైడ్ అయిపోవచ్చు.. మరో రెండు ఫీచర్లు కూడా..
మరోవైపు వాట్సాప్‌ క్రమంగా ఫీచర్లను యాడ్ చేస్తోంది. ఇటీవల కొత్తగా మరో మూడు ఫీచర్లను ప్రకటించింది. గ్రూప్‌లో అడ్మిన్ మినహా మరెవరికీ తెలియకుండా ఎగ్జిట్ అవ్వగలిగే లీవ్ గ్రూప్ సైలెంట్లీ సదుపాయాన్ని తీసుకొస్తోంది. అలాగే వ్యూవన్స్ కింద పంపిన మెసేజ్‌లను రిసీవర్ స్క్రీన్ షాట్ తీయకుండా రిస్ట్రిక్షన్ విధించనుంది. ఇక మీరు ఆన్‌లైన్‌లో ఉన్నారా లేదా అనే స్టేటస్‌ను మీరు ఎంపిక చేసిన కాంటాక్ట్‌లే చూడగలిగేలా కూడా కొత్త ప్రైవసీ ఫీచర్‌ను ప్రకటించింది. అతిత్వరలోనే యూజర్లందరికీ ఈ మూడు ఫీచర్లు యాడ్ అవుతాయి.
Also Read: WhatsApp : వాట్సాప్‌లో ఈ మార్పు గమనించారా..! ఈ సదుపాయం అందరికీ వచ్చేసింది