ఎలక్ట్రిక్ స్కూటీలో ఎగసిపడిన మంటలు.. షాకింగ్
బ్యాటరీతో నడిచే ఎలక్ట్రిక్ బైక్లో ఒక్కసారిగా మంటలు చెలరేగాయి. రోడ్డుపై వెళ్తుండగా మంటలు రావడంతో పక్కన నిలిపి ఆర్పే ప్రయత్నం చేశారు. మంచిర్యాలలో ఈ ఘటన జరిగింది.
Samayam Telugu 30 Jul 2021, 9:52 pm
ఎలక్ట్రిక్ స్కూటర్ నుంచి మంటలు ఎగసిపడిన ఘటన మంచిర్యాలలో చోటుచేసుకుంది. పట్టణంలోని ఐబీ చౌరస్తా సమీపంలో రోడ్డు మీద వెళ్తుండగా ఒక్కసారిగా ఎలక్ట్రిక్ స్కూటర్ నుంచి మంటలు చెలరేగాయి. అప్రమత్తమైన వాహనదారుడు వెంటనే రోడ్డు పక్కన నిలిపి మంటలు ఆర్పేందుకు ప్రయత్నించాడు. నీళ్లు పోసి మంటలు ఆర్పేందుకు ప్రయత్నించినప్పటికీ వాహనం మంటల్లో కాలిపోయింది. మంటలు ఆర్పివేసేందుకు చాలా సమయం పట్టింది. ఎట్టకేలకు మంటలను అదుపులోకి తెచ్చారు. వాహనం పూర్తిగా కాలిపోయినట్లు సమాచారం. మంటలు ఎలా వ్యాపించాయనేది తెలియాల్సి ఉంది.