పని లేకుండా అప్పులతో ఎంతకాలం నెట్టుకొస్తాడు.. పాపం!!

పని లేదు.. తెలిసిన వారి వద్ద చేబదుళ్లు.. అప్పులు తీసుకుంటూ నెట్టుకొచ్చాడు. చివరికి అవే తలకు మించిన భారంగా మారాయి. తీర్చే దారి కనిపించలేదు. ఒత్తిళ్లు పెరిగిపోయాయి. ఇక భరించలేకపోయిన యువకుడు అనూహ్య నిర్ణయం తీసుకున్నాడు. ఈ లోకం నుంచి శాశ్వతంగా నిష్క్రమించాడు. గూడ్సు రైలు కింద తలపెట్టి బలవంతంగా ప్రాణాలు తీసుకున్నాడు. ఈ ఘటన కొమరం భీం జిల్లాలో జరిగింది.

కాగజ్‌నగర్ మండలం చింతగూడకి చెందిన కట్టా రాజశేఖర్(34) అప్పుల భారంతో ఆత్మహత్య చేసుకున్నాడు. తెలిసిన వారి నుంచి అప్పులు చేసిన రాజశేఖర్ పని లేకపోవడంతో తీర్చలేకపోయాడు. అప్పుల బాధలు ఎక్కువవడంతో పాటు ఇంట్లో ఆర్థిక ఇబ్బందులు భరించలేక అఘాయిత్యం చేసుకున్నాడు. చింతడూడ సమీపంలోని రైల్వే గేటు వద్ద మంచిర్యాల వైపు వెళ్తున్న గూడ్సు రైలు కింద తలపెట్టి ప్రాణాలు తీసుకున్నాడు. సమాచారం అందుకున్న పోలీసులు సంఘటన స్థలానికి చేరుకుని యువకుడి మృతదేహాన్ని ఆస్పత్రికి తరలించారు. కేసు నమోదు చేసుకుని దర్యాప్తు చేస్తున్నారు.

Also Read: