నారా దేవాన్ష్ అక్షరాభ్యాసం.. అప్పుడు తిరుమలలో.. ఇప్పుడు బాసరలో!

టీడీపీ జాతీయ అధ్యక్షుడు, మాజీ సీఎం చంద్రబాబు మనవడు.. నారా లోకేష్, బ్రాహ్మణి దంపతుల కుమారుడు దేవాన్ష్‌కు శుక్రవారం బాసరలో అక్షరాభ్యాసం చేశారు. సరస్వతీ దేవి సన్నిధిలో అక్షరాలు దిద్దిచ్చారు. బ్రాహ్మణి తల్లి వసుంధర, ఇతర బంధువులతో కలిసి బాసర ఆలయానికి వచ్చారు. బాలకృష్ణ రెండో కూతురు తేజస్విని కుమారుడు ఆర్యన్‌కు సైతం బాసరలో అక్షరాభ్యాసం చేయించారు. ఈ సందర్భంగా ఆలయ అధికారులు వారికి ఘన స్వాగతం పలికారు. దగ్గరుండి పూజా కార్యక్రమాలు చేయించారు.

2017 మే నెలలోనే నారా దేవాన్ష్‌కు అక్షరాభ్యాసం చేయించారు. తిరుమలలో దేవాన్ష్‌తో అక్షరాభ్యాసం చేయించారు. అ - అమ్మ, అ - అమరావతి, ఆ - ఆంధ్రప్రదేశ్, ఆ - ఆరోగ్యం, ఆదాయం అని దేవాన్ష్‌తో రాయించారు. ఇందుకు సంబంధించిన ఫొటోలు అప్పట్లో వైరల్ అయ్యాయి.

వీడియో చూడండి