ఆదిలాబాద్ జిల్లాలో తొలి స్వైన్ ఫ్లూ కేసు నమోదైంది. రిమ్స్‌లో చికిత్స పొందుతున్న పేషెంట్‌కు స్వైన్ ఫ్లూ సోకిందని నిర్ధారించారు. జ్వరంతో బాధపడుతున్న పేషెంట్‌కు అనుమానంతో టెస్టులు చేయగా.. స్వైన్ ఫ్లూ సోకినట్లు తేలింది. రిమ్స్ డైరెక్టర్ జై సింగ్ ఈ విషయాన్ని ధ్రువీకరించారు. కాగా చాలా మంది స్వైన్ ఫ్లూ లక్షణాలు ఉన్నాయని.. దీంతో స్వైన్ ఫ్లూ బాధితుల సంఖ్య పెరగొచ్చనే ఆందోళనలు వ్యక్తం అవుతున్నాయి. ఈ సీజన్లో ఏజెన్సీలో జ్వరం బాధితుల సంఖ్య పెరుగుతోంది. వీరిలో చాలా మందికి ఒళ్లు నొప్పులతో బాధపడుతున్నారు. వైరల్ ఫీవర్ బాధితులు ఎక్కువగా ప్రయివేట్ హాస్పిటళ్లలో చేరుతున్నారు. దీంతో చికిత్స అందించే సమయంలో కరోనా మార్గదర్శకాలను పాటించడం లేదని వైద్య నిపుణులు చెబుతున్నారు.
వైద్యారోగ్య శాఖ ఇప్పటి వరకూ కోవిడ్‌పైనే శ్రద్ధ పెట్టగా.. ఇకపై స్వైన్ ఫ్లూ కేసుల విషయంలోనూ శ్రద్ధపెట్టాల్సిన అవసరం ఉందని డాక్టర్లు చెబుతున్నారు. ఆదిలాబాద్ జిల్లాలో టీబీ కేసులు కూడా పెరుగుతున్నాయని వైద్యులు చెబుతున్నారు.
వైద్యారోగ్య శాఖ ఇప్పటి వరకూ కోవిడ్‌పైనే శ్రద్ధ పెట్టగా.. ఇకపై స్వైన్ ఫ్లూ కేసుల విషయంలోనూ శ్రద్ధపెట్టాల్సిన అవసరం ఉందని డాక్టర్లు చెబుతున్నారు. ఆదిలాబాద్ జిల్లాలో టీబీ కేసులు కూడా పెరుగుతున్నాయని వైద్యులు చెబుతున్నారు.