మళ్లీ జనంలో కరోనా భయం.. భర్తకు వైరస్ భార్య ఆత్మహత్య

కరోనా సెకండ్ వేవ్ మరోసారి గతంలో నెలకొన్న పరిస్థితుల్ని గుర్తు చేస్తోంది. కరోనా వైరస్ భయంతో గతంలో చాలామంది ఆత్మహత్యలు చేసుకున్న విషయం తెలిసిందే. తాజాగా మళ్లీ ఇప్పుడు అలాంటి పరిస్థితులే నెలకొంటున్నాయి. భర్తకు కరోనా సోకిందన్న భయంతో భార్య ఆత్మహత్య చేసుకున్న విషాదకరమైన ఘటన మంచిర్యాల జిల్లాలో చోటుచేసుకుంది. బెల్లంపల్లి పట్టణం హనుమాన్ బస్తీకి చెందిన సుద్దాల జలజ(54) అనే వివాహిత ఇంట్లో ఉరి వేసుకొని ఆత్మహత్య చేసుకుంది.

జలజ భర్తకు కరోనా సోకింది. అతని ఆరోగ్య పరిస్థితి విషమించింది. దీంతో ఆ బాధ భరించలేక జలజ ఆత్మహత్య చేసుకుందని కుటుంబ సభ్యులు అంటున్నారు. దీనిపై కేసు నమోదు చేసి దర్యాప్తు చేస్తున్నారు వన్ టౌన్ పోలిసులు. అత్మహత్యకు ఇతర కారణాలు ఏమైనా ‌ఉన్నాయా ? అనే కోణంలో పోలీసులు విచారిస్తున్నారు.