యాప్నగరం

Sanathnagar: హైదరాబాద్‌లో బాలుడి నరబలి కలకలం..అమావాస్య రోజు బలిచ్చిన హిజ్రా

Sanathnagar: ప్రపంచం సాంకేతికత వైపు పరుగులు పెడుతున్నా.. ఇంకా నరబలి లాంటి ఘటనలు కలవరపెడుతున్నాయి. గ్రామాల్లోనే కాదు.. పట్ణణాలు, సిటీలలో కూడా జరుగుతుండటం ఆందోళన కల్గిస్తోంది. తాజాగా హైదరాబాద్ నడిబొడ్డున సనత్‌నగర్‌లో 8 ఏళ్ల బాలుడుని బలివ్వడం సంచలనంగా మారింది.

Authored byవెంకట్రావు లేళ్ల | Samayam Telugu 21 Apr 2023, 2:43 pm

ప్రధానాంశాలు:

  • సనత్‌నగర్‌లో దారుణ ఘటన
  • 8 ఏళ్ల బాలుడిని బలి ఇచ్చిన హిజ్రా
  • హిజ్రా ఇంటిపై దాడికి పాల్పడ్డ స్థానికులు
హైలైట్స్ చదవాలంటే యాప్‌ను డౌన్‌లోడ్ చేసుకోండి
Samayam Telugu narabali
హిజ్రా
Sanathnagar: హైదరాబాద్‌లో దారుణ ఘటన వెలుగు చూసింది. నగరంలోని సనత్ నగర్ ప్రాంతంలో నరబలి ఘటన కలకలం సృష్టించింది. అమావాస్య రోజున 8 ఏళ్ల అబ్దుల్ వాహిద్ అనే బాలుడిని నరబలి ఇచ్చారు. బాలుడిని ఓ హిజ్రా బలి ఇచ్చినట్లుగా స్థానికులు ఆరోపిస్తున్నారు. దీంతో హిజ్రా ఇంటిపై స్థానికులు దాడికి పాల్పడటం సనత్ నగర్ ఏరియాలో కలకలం సృష్టించింది.
హిజ్రా ఇంటిపై స్థానికుల దాడితో సనత్‌నగర్‌లోని అల్లాదున్ కోటి ఏరియాలో ఉద్రిక్త పరిస్థితులు చోటుచేసుకున్నాయి. హిజ్రా ఇంటిని స్థానికులు పూర్తిగా ధ్వంసం చేశారు. సమాచారం అందుకున్న పోలీసులు.. రంగంలోకి దిగి పరిస్థితిని అదుపులోకి తెచ్చారు. నరబలి ఘటనపై స్థానికుల ఫిర్యాదులో పోలీసులు కేసు నమోదు చేసుకుని దర్యాప్తు చేస్తోన్నారు. హిజ్రాను అదుపులోకి తీసుకునే ప్రయత్నాల్లో ఉన్నారు. బాలుడి నరబలికి సంబంధించి స్థానికుల నుంచి పోలీసులు మరిన్ని వివరాలు సేకరిస్తున్నారు.

నరబలి ఎందుకు ఇవ్వాల్సి వచ్చింది? బాలుడిని నరబలి ఇవ్వడానికి కారణాలేంటి? అనే కోణంలో పోలీసులు విచారణ చేపడుతున్నారు. నిన్న అమావాస్య రోజున బలి ఇచ్చినట్లు తెలుస్తోండగా.. బాలుడి మృదేహాన్ని సమీపంలోని నాలాలో స్థానికులు గుర్తించారు. దీంతో వెంటనే పోలీసులకు సమాచారం అందించారు. పోలీసులు ఘటనా స్థాలానికి చేరుకుని పరిస్థితిని తెలుసుకున్నారు. క్షుద్రపూజలు నిర్వహించిన అనంతరం బాలుడిని బలి ఇచ్చినట్లుగా తెలుస్తోంది. ఈ మేరకు క్షుద్రపూజలు జరిగిన ప్రాంతాన్ని పోలీసులు గుర్తించారు. దీంతో ఒక్కరే చేసి ఉండరని, హిజ్రాకు కొంతమంది సహాయం చేసి ఉంటారని పోలీసులు అనుమానం వ్యక్తం చేస్తోన్నారు. దీంతో హిజ్రాకు సహకరించిన నిందితులను కూడా గుర్తించే పనిలో పోలీసులు పడ్డారు. నరబలి ఘటనపై విచారణ చేపడుతున్నామని, మరిన్ని వివరాలు తెలియాల్సి ఉందని పోలీసులు చెబుతున్నారు. ఈ ఘటనకు సంబంధించి మరిన్ని వివరాలను త్వరలో బయటపడే అవకాశముంది.

మారుమూల గ్రామాల్లో నిరక్షరాస్యత వల్ల మూఢ నమ్మకాలు, జ్యోతిష్యులు, స్వామీజీల మాయమాటలు నమ్మి కొంతమంది చిన్న పిల్లలను బలి ఇస్తూ ఉంటారు. మంచి జరుగుతుందనే నమ్మకంతో క్షుద్రపూజల పేరుతో చిన్న పిల్లలను బలి ఇస్తూ ఉంటారు. గ్రామాలు, పట్టణాల్లో ఎక్కువగా ఇలాంటివి జరుగుతూ ఉంటాయి. అయితే అభివృద్ధి చెందిన హైదరాబాద్ లాంటి నగరంలో కూడా మూఢనమ్మకాల పేరుతో నరబలి ఇవ్వడం సంచలనంగా మారింది. ప్రపంచంలో టెక్నాలజీ రోజురోజుకు కొత్త పుంతలు తొక్కుతోంది. ఆధునీకత వైపు ప్రపంచం పరుగులు పెడుతోంది. ఇలాంటి కాలంలో కూడా ఇంకా మూఢనమ్మకాలు, నరబలి లాంటి ఘటనలు వెలుగులోకి వస్తూనే ఉన్నాయి.



  • Read More Telangana News And Telugu News
రచయిత గురించి
వెంకట్రావు లేళ్ల
వెంకట్రావు లేళ్ల సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలుగు రాష్ట్రాలకు సంబంధించిన తాజా వార్తలు, పొలిటికల్ అప్‌డేట్స్, పొలిటికల్ అనాలసిస్ అందిస్తుంటారు. ఆయనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.