Hyderabad: చికెన్ పకోడీలో కారం ఎక్కువయ్యిందని చెప్పినందుకు వినియోగదారుడిపై ఓ షాపు నిర్వాహకుడు కత్తితో దాడికి పాల్పడ్డాడు. ఈ దారుణ ఘటన హైదరాబాద్ పరిధిలోని కేపీహెచ్‌బీ కాలనీలో చోటుచేసుకుంది. కేపీహెచ్‌బీ కాలనీలో నాగార్జున అనే వ్యక్తి నివాసం ఉంటున్నారు. రాత్రి సమీపంలోని జెఎస్ చికెన్ పకోడీ సెంటర్‌కు వెళ్లాడు. అక్కడ చికెన్ పకోడీ తింటూ కారం ఎక్కువయ్యిందంటూ నిర్వాహకుడు జీవవ్‌కు చెప్పాడు. దీంతో జీవన్‌కు ఒక్కసారిగా చిర్రెత్తుకొచ్చింది. 'తింటే తినండి.. లేకుంటే వెళ్ళిపొండి' అంటూ గట్టిగా అరిచాడు. ఈ తరుణంలో ఇద్దరి మధ్య తీవ్ర వాగ్వాదం చోటుచేసుకుంది. ఒకరిపై ఒకరు దాడి చేసుకునేందుకు కూడా ప్రయత్నించారు.
- Read More Telangana News And Telugu News