KCR ఎవరు.. కోన్ కిస్కా.. ఆయనకి మోదీ సమాధానం చెప్పాలా?: బండి సంజయ్

సికింద్రాబాద్ పరేడ్ మైదానంలో చేసిన ప్రసంగంలో ప్రధాని మోదీ.. కేసీఆర్, టీఆర్ఎస్‌ని గురించి ప్రస్తావించకపోవడంపై వస్తున్న కథనాలపై తెలంగాణ బీజేపీ రాష్ట్ర అధక్షుడు బండి సంజయ్ స్పందించారు. ప్రధాని తన మనసులో ఉన్నదంతా తెలంగాణ సమాజానికి చెప్పేశారని.. కేసీఆర్‌కు సమాధానం చెప్పాల్సిన అవసరం ఆయనకు లేదన్నారు. కేసీఆర్ ఓ కోన్‌ కిస్కా అని.. ఆయన ప్రశ్నలకు ప్రధాని ఎందుకు సమాధానం చెప్పాలని నిలదీశారు.

హైదరాబాద్‌ పేరు మార్పుస్తామన్న బీజేపీ.. కేటీఆర్ స్ట్రాంగ్ కౌంటర్
ఆంధ్రప్రదేశ్‌లోని భీమవరం వెళ్లేందుకు రాజభవన్‌ నుంచి బేగంపేట చేరుకున్న మోదీకి బండి సంజయ్ ఘనస్వాగతం పలికారు. అనంతరం మీడియాతో మాట్లాడుతూ... హైదరాబాద్ వస్తున్న మోదీని ఎదుర్కొనలేకే కేసీఆర్ నగరమంతా టీఆర్ఎస్ ఫ్లెక్సీలతో నింపేశారని ఆరోపించారు. ఈ ప్రచారం కోసం చేసిన ఖర్చు చేసిన సొమ్మును పేద ప్రజల కోసం ఖర్చుచేస్తే కొందరి బ్రతుకులైనా మారేవని అభిప్రాయపడ్డారు. తెలంగాణ ప్రజల్లో కేసీఆర్‌పై ఎంత వ్యతిరేకత ఉందో నిన్నటి బీజేపీ సభకు వచ్చిన జనాన్ని చూస్తే అర్ధమైందన్నారు. కేసీఆర్ తప్పుడు విధానాల ఫలితమే నిన్నటి సభ అని.. తెలంగాణ ప్రజలకు ప్రధాని మోదీ ప్రత్యేకంగా ధన్యవాదాలు తెలిపారని బండి సంజయ్ పేర్కొన్నారు.
టీఆర్ఎస్, కేసీఆర్‌పై మౌనమేల?.. మోదీ ప్రసంగంపై బీజేపీ కేడర్‌లో నిరుత్సాహంtelugu
విపక్షాల రాష్ట్రపతి అభ్యర్ధి యశ్వంత్ సిన్హా రాక సందర్భంగా ఏర్పాటు చేసిన సభలో ప్రసంగించిన సీఎం కేసీఆర్.. ప్రధాని మోదీ, కేంద్ర ప్రభుత్వంపై నిప్పులు కురిపించిన సంగతి తెలిసిందే. తాను సంధించే ప్రశ్నలకు మోదీ సమాధానం చెప్పి తీరాలని డిమాండ్ చేశారు. ఈ నేపథ్యంలో బీజేపీ సభలో మోదీ ఏం మాట్లాడతారు.. కేసీఆర్‌కి ఎలా కౌంటర్ ఇస్తారని అందరూ ఆసక్తిగా గమనించారు. తీరా చూస్తే మోదీ తన ప్రసంగంలో కేసీఆర్ ప్రస్తావనే తీసుకురాలేదు. దీంతో మోదీ వ్యూహాత్మకంగానే ఇలా చేశారన్న అభిప్రాయాలు వ్యక్తమవుతున్నాయి.