హైదరాబాద్‌లోని తార్నాకలో ఓ బెంజ్ కారు బీభత్సం సృష్టించింది. అతివేగంగా వచ్చి రెండు ఆటోలను ఢీకొట్టి.. ఆగకుండా వెళ్లిపోయింది. ఈ ప్రమాదంలో ఓ ఆటో డ్రైవర్‌కు తీవ్ర గాయాలు కావడంతో అతని పరిస్థితి విషమంగా ఉంది. నిన్న(మార్చి 27) ఉదయం సమయంలో ఓ బెంజ్ కారు యజమాని అత్యంత వేగంగా దూసుకొచ్చాడు. ఈ క్రమంలో ఓ ఆటోను కారు బలంగా ఢీకొట్టింది. దీంతో.. ఆటో నడుపుతున్న దశరథ్ (70) అనే డ్రైవర్.. కిందపడ్డాడు. కాగా.. ఆయన తలకు తీవ్రగాయమైంది. అదే సమయంలో దశరథ్ ఆటో ఆ పక్కనే వస్తున్న మరో ఆటోను ఢీకొట్టింది. ఆ ఆటోలో ఐదుగురు ప్రయాణిస్తుండగా.. అందులో నలుగురికి తీవ్ర గాయాలయ్యాయి. ఇం బీభత్సం జరిగినా.. ఆ కారు యజమాని మాత్రం వాహనాన్ని ఆపకుండా అక్కడి నుంచి పారిపోయాడు. ఈ హిట్ అండ్ రన్ ప్రమాదంలో.. రెండు ఆటోలు ధ్వంసమయ్యాయి.
మరోవైపు బాధిత కుటుంబం ఆవేదన వ్యక్తం చేస్తున్నారు. దశరథ్‌ది నిరుపేద కుటుంబం కాగా... రోజూ ఆటో నడుపుతూనే కుటుంబాన్ని పోషిస్తున్నాడు. కుటుంబ పెద్దకు ఇలా కావటంతో.. కుటుంబసభ్యులకు ఏం చేయాల్లో తొచని పరిస్థితి. ఈ ఘటనపై ఇప్పటివరకు పోలీసులు బెంజ్ కార్ యజమానిపై ఎలాంటి చర్యలు తీసుకోలేదని దశరథ్ కుటుంబ సభ్యులు, ఆటో బాధితులు ఆగ్రహం వ్యక్తం చేశారు. బెంజ్ కార్ యజమానిని అరెస్టు చేయాలని, మాకు న్యాయం జరగాలని ఆవేదన వ్యక్తం చేశారు.
మరోవైపు బాధిత కుటుంబం ఆవేదన వ్యక్తం చేస్తున్నారు. దశరథ్‌ది నిరుపేద కుటుంబం కాగా... రోజూ ఆటో నడుపుతూనే కుటుంబాన్ని పోషిస్తున్నాడు. కుటుంబ పెద్దకు ఇలా కావటంతో.. కుటుంబసభ్యులకు ఏం చేయాల్లో తొచని పరిస్థితి. ఈ ఘటనపై ఇప్పటివరకు పోలీసులు బెంజ్ కార్ యజమానిపై ఎలాంటి చర్యలు తీసుకోలేదని దశరథ్ కుటుంబ సభ్యులు, ఆటో బాధితులు ఆగ్రహం వ్యక్తం చేశారు. బెంజ్ కార్ యజమానిని అరెస్టు చేయాలని, మాకు న్యాయం జరగాలని ఆవేదన వ్యక్తం చేశారు.
- Read More Telangana News And Telugu News