అఖిలప్రియ కేసులో కీలక పరిణామం.. ఎట్టకేలకు బయటికి..

తెలుగు రాష్ట్రాల్లో సంచలనంగా మారిన బోయిన్‌పల్లి కిడ్నాప్ కేసులో కీలక పరిణామం చోటుచేసుకుంది. ఈ కేసులో ప్రధాన నిందితురాలిగా ఉన్న ఏపీ మాజీ మంత్రి, టీడీపీ మహిళా నేత భూమా అఖిలప్రియకు ఎట్టకేలకు బెయిల్ లభించింది. సాక్ష్యులను ప్రభావితం చేస్తారనే కారణంతో రెండుసార్లు బెయిల్ నిరాకరించిన న్యాయస్థానం.. ఎట్టకేలకు షరతులతో కూడిన బెయిల్ మంజూరు చేసింది. పది వేల రూపాయల పూచీకత్తుతో పాటు ఇద్దరు ష్యూరిటీలు సమర్పించాలని కోర్టు ఆదేశించింది. దీంతో ఆమె చంచల్‌గూడ జైలు నుంచి విడుదలయ్యారు.

అఖిలప్రియ విడుదలవుతుండడంతో ఆమె బంధువులు, అనుచరులు జైలు వద్దకు చేరుకున్నారు. హఫీజ్‌పేట్ భూముల వివాదం నేపథ్యంలో తెలంగాణ సీఎం కేసీఆర్ బంధువులనే కిడ్నాప్ చేసిన వ్యవహారంలో ఆమె జైలుపాలయ్యారు. ఈ కేసులో ఆమ ఏ1గా ఉండగా ఏవీ సుబ్బారెడ్డి ఏ2గా, ఆమె భర్త భార్గవ్‌రామ్ ఏ3గా ఉన్నారు. ముందస్తు బెయిల్ కోసం భార్గవ్‌రామ్ దాఖలు చేసిన పిటిషన్‌ను న్యాయస్థానం కొట్టేసింది. ఆయన ఇంకా పరారీలోనే ఉన్నారు.

Also Read: