Casino Case: చికోటి ప్రవీణ్ క్యాసినో కేసులో బిగ్ ట్విస్ట్.. తెరపైకి 'తలసాని' బ్రదర్స్..!

Casino Case: చికోటి ప్రవీణ్ కుమార్ క్యాసినో కేసులో ఈడి మరోసారి దూకుడు పెంచింది. చికొటి ప్రవీణ్ విదేశాల్లో క్యాసినో ఆడించినట్టు అధికారులు గుర్తించడంతో.. దీనిపై పూర్తిస్థాయిలో దర్యాప్తు కొనసాగించారు. అయితే.. ఈ కేసులో మనీ ల్యాండరింగ్, లావాదేవీలు పెద్ద ఎత్తున జరిగినట్లుగా గుర్తించిన వెంటనే అధికారులు దర్యాప్తు ముమ్మరం చేశారు. ఈ క్రమంలోనే ఈ కేసులో మంత్రి తలసాని శ్రీనివాస్ యాదవ్ ఇద్దరు సోదరుల పేర్లు బయటకొచ్చాయి. తలసాని సోదరులు మహేష్ యాదవ్, తలసాని ధర్మేందర్ యాదవ్‌ను పిలిచి ఈడీ అధికారులు విచారణ చేస్తున్నారు.

చికోటి ప్రవీణ్‌తో కలిసి ఈ ఇద్దరు విదేశాలకు వెళ్లి క్యాసినో ఆడినట్లుగా ఇప్పటికే ఈడి అధికారులు గుర్తించారు. అయితే.. చికోటి ప్రవీణ్ జరిపిన లావాదేవీల్లో మహేష్, ధర్మేందర్ యాదవ్ పేర్లు రావడంతో అధికారులు వారిని పిలిచి విచారణ చేపట్టారు. హవాలా, ఫేమా ఉల్లంఘన కింద ఇద్దరినీ విచారిస్తున్నట్లుగా అధికారులు వెల్లడించారు. ఇప్పటికే ఈడీ అధికారులు చికోటి ప్రవీణ్ క్యాసినో కేసులో చాలామందిని విచారణకు పిలిచారు. కానీ.. ఇప్పుడు తలసాని Srinivas Yadav సోదరులను పిలవడం చర్చనీయాంశం అయ్యింది.
Also Read: