ముఖ్యమంత్రి కేసీఆర్‌పై కేంద్ర మంత్రి జి.కిషన్‌రెడ్డి ఫైర్ అయ్యారు. కేసీఆర్‌ను ఇక్కడి ప్రజలు నమ్మడం లేదని.. అందుకే ఢిల్లీ, పంజాబ్ వెళ్లారని విమర్శించారు. తెలంగాణలో రైతుల ఆత్మహత్యలకు దిక్కులేదని.. పంజాబ్ రైతులను ఆదుకుంటున్నారని ఎద్దేవా చేశారు. ఇంతకు ముందు కూడా ఎన్నో సందర్భాల్లో దేశవ్యాప్తంగా సంచలనాలు సృష్టిస్తానంటూ కేసీఆర్ ప్రకటనలు చేశారని.. అవన్నీ ప్రగతి భవన్‌కే పరిమితం అయ్యాయని విమర్శించారు.
ప్రజలపై భారం తగ్గించేందుకు కేంద్రం పెట్రోల్‌, డీజిల్‌ ధరలను తగ్గించిందని, దేశంలోనే తెలంగాణ రాష్ట్ర ప్రభుత్వం అత్యధికంగా పెట్రోల్‌, డీజిల్‌పై పన్నులు వసూలు చేస్తోందని విమర్శించారు. పెట్రోల్‌, డీజిల్‌పై పన్నులను తగ్గించాలని డిమాండ్‌ చేశారు. నూతన విద్యావిధానంపై కేసీఆర్ వ్యాఖ్యలను ఆయన తిప్పికొట్టారు. పేదల కోసమే కేంద్ర ప్రభుత్వం నూతన విద్యా విధానాన్ని తీసుకువచ్చిందన్నారు. దానిపై కేసీఆర్‌కు కనీస అవగాహన కూడా లేదని చెప్పుకొచ్చారు. తెలంగాణలో కేజీ టు పీజీ ఉచిత విద్యను అందిస్తామన్న వాగ్దానం ఏమైందని ఆయన కేసీఆర్‌ను ప్రశ్నించారు.
కరోనా మహమ్మారి కారణంగా రెండేళ్లుగా యోగా డేను నిర్వహించేందుకు సాధ్యపడలేదని.. జూన్‌ 21న ప్రపంచ యోగా దినోత్సవాన్ని ఘనంగా నిర్వహించాలని కిషన్ రెడ్డి పిలుపునిచ్చారు. ఈ నెల 27న ఎల్‌బీ స్టేడియంలో 25 రోజుల యోగా డే కౌంట్‌డౌన్‌ ప్రారంభమవుతుందన్నారు. యోగా దినోత్సవాన్ని ట్యాంక్‌బండ్‌పై ఘనంగా నిర్వహిస్తామని, ఇద్దరు కేంద్ర మంత్రులు ఆ కార్యక్రమానికి హాజరవుతారని వెల్లడించారు. కేశవ మెమోరియల్‌ స్కూల్‌లో జరిగిన కార్యక్రమంలో పాల్గొన్న కేంద్ర మంత్రి కిషన్‌రెడ్డిని విప్లవ గాయకుడు గద్దర్‌ కలిశారు. తాను పాడిన పాటలపై పలు రాష్ట్రాల్లో నమోదైన కేసులను ఎత్తేయాలంటూ కేంద్ర హోంమంత్రికి రాసిన లేఖ గురించి ఆయన ప్రస్తావించినట్లు తెలిసింది. ఆ లేఖను అమిత్‌షా పరిశీలించారో లేదోనన్న గద్దర్‌.. దానిపై ఆయనతో చర్చించాలని కిషన్‌రెడ్డిని కోరారు.
ప్రజలపై భారం తగ్గించేందుకు కేంద్రం పెట్రోల్‌, డీజిల్‌ ధరలను తగ్గించిందని, దేశంలోనే తెలంగాణ రాష్ట్ర ప్రభుత్వం అత్యధికంగా పెట్రోల్‌, డీజిల్‌పై పన్నులు వసూలు చేస్తోందని విమర్శించారు. పెట్రోల్‌, డీజిల్‌పై పన్నులను తగ్గించాలని డిమాండ్‌ చేశారు. నూతన విద్యావిధానంపై కేసీఆర్ వ్యాఖ్యలను ఆయన తిప్పికొట్టారు. పేదల కోసమే కేంద్ర ప్రభుత్వం నూతన విద్యా విధానాన్ని తీసుకువచ్చిందన్నారు. దానిపై కేసీఆర్‌కు కనీస అవగాహన కూడా లేదని చెప్పుకొచ్చారు. తెలంగాణలో కేజీ టు పీజీ ఉచిత విద్యను అందిస్తామన్న వాగ్దానం ఏమైందని ఆయన కేసీఆర్‌ను ప్రశ్నించారు.
కరోనా మహమ్మారి కారణంగా రెండేళ్లుగా యోగా డేను నిర్వహించేందుకు సాధ్యపడలేదని.. జూన్‌ 21న ప్రపంచ యోగా దినోత్సవాన్ని ఘనంగా నిర్వహించాలని కిషన్ రెడ్డి పిలుపునిచ్చారు. ఈ నెల 27న ఎల్‌బీ స్టేడియంలో 25 రోజుల యోగా డే కౌంట్‌డౌన్‌ ప్రారంభమవుతుందన్నారు. యోగా దినోత్సవాన్ని ట్యాంక్‌బండ్‌పై ఘనంగా నిర్వహిస్తామని, ఇద్దరు కేంద్ర మంత్రులు ఆ కార్యక్రమానికి హాజరవుతారని వెల్లడించారు. కేశవ మెమోరియల్‌ స్కూల్‌లో జరిగిన కార్యక్రమంలో పాల్గొన్న కేంద్ర మంత్రి కిషన్‌రెడ్డిని విప్లవ గాయకుడు గద్దర్‌ కలిశారు. తాను పాడిన పాటలపై పలు రాష్ట్రాల్లో నమోదైన కేసులను ఎత్తేయాలంటూ కేంద్ర హోంమంత్రికి రాసిన లేఖ గురించి ఆయన ప్రస్తావించినట్లు తెలిసింది. ఆ లేఖను అమిత్‌షా పరిశీలించారో లేదోనన్న గద్దర్‌.. దానిపై ఆయనతో చర్చించాలని కిషన్‌రెడ్డిని కోరారు.