కరోనా సమయంలోపై అసాంఘిక కార్యకలాపాలకు పాల్పడుతున్న ఓ సినీ ప్రొడక్షన్ మేనేజర్ను హైదరాబాద్ పోలీసులు అరెస్ట్ చేశారు. అతడు ఇంటర్నెట్లో యువతుల అర్ధనగ్న చిత్రాలను పోస్ట్ చేసి యువకులను ఆకర్షిస్తూ వ్యభిచారం నిర్వహిస్తున్నట్లు పోలీసులు తెలిపారు. ఖమ్మం జిల్లా సత్తుపల్లికి చెందిన బోడపాటి సుధీర్(31) పదేళ్ల క్రితం నగరానికి వచ్చి సినీ ప్రొడక్షన్లో మేనేజర్గా పనిచేస్తూ మాదాపూర్లో నివాసం ఉంటున్నాడు. ఆదాయం సరిపోకపోవడంతో తనకు పరిచయమున్న జూనియర్ ఆర్టిస్టులను మభ్యపెట్టి వ్యభిచారం మొదలుపెట్టాడు. మాదాపూర్లోని అయ్యప్ప సొసైటీలో ఓ ఇంటిని అద్దెకు తీసుకుని వ్యభిచార కేంద్రంగా మార్చేశాడు. ఆన్లైన్లో ‘లోక్యాంటో’ డేటింగ్ వెబ్సైట్ను నిర్వహిస్తూ అమ్మాయిల అర్ధనగ్న ఫోటోలు పోస్ట్ చేసి విటులను ఆకర్షించేవాడు. దీనిపై సమాచారం అందుకున్న రాచకొండ యాంటి హ్యూమన్ ట్రాఫికింగ్ విభాగం(ఏహెచ్టీయూ), సరూర్నగర్ పోలీసులు మంగళవారం దిల్సుఖ్నగర్లో సుధీర్ను అదుపులోకి తీసుకొని రిమాండ్కు తరలించారు.
Madapur: జూనియర్ ఆర్టిస్టులతో వ్యభిచారం.. సినీ ప్రొడక్షన్ మేనేజర్ అరెస్ట్
సినీ ఇండస్ట్రీలో తనకు పరిచయమున్న జూనియర్ ఆర్టిస్టులతో వ్యభిచారం నిర్వహిస్తున్న సినీ ప్రొడక్షన్ మేనేజర్ శ్రీధర్ను హైదరాబాద్లోని సరూర్నగర్ పోలీసులు అరెస్ట్ చేసి రిమాండ్కు తరలించారు.
Samayam Telugu 19 May 2021, 9:51 am
ప్రధానాంశాలు:
- జూనియర్ ఆర్టిస్టులతో వ్యభిచారం
- సినీ ప్రొడక్షన్ మేనేజర్ అరెస్ట్
- ఆదాయం సరిపోక అడ్డదారులు