HYD: టీఆర్‌ఎస్, ఎంఐఎం డిష్యుం డిష్యుం.. చొక్కాలు పట్టుకుని.. ఓ రేంజ్‌లో!!

హైదరాబాద్ నగరంలోని రాజేంద్రనగర్‌లో అధికార టీఆర్ఎస్, ఎంఐఎం నేతల మధ్య ఘర్షణ చోటుచేసుకుంది. ఓ భవన నిర్మాణ విషయమై ఇరుపార్టీల నేతలు బాహాబాహీకి దిగారు. చొక్కాలు పట్టుకుని చితకబాదుకునేందుకు సిద్ధమయ్యారు. కొద్దిసేపు వీరంగం సృష్టించారు. రాజేంద్రనగర్‌లో ఓ ఇంటి నిర్మాణ పనుల్లో వివాదం తలెత్తినట్లు తెలుస్తోంది. యాజమాని అనుమతులు లేకుండా అక్రమంగా ఇల్లు నిర్మిస్తున్నాడని ఎంఐఎం నేతలు నిర్మాణ పనులను అడ్డుకోవడంతో వివాదం రేగింది. టీఆర్ఎస్ నేతలు రంగంలోకి దిగడంతో ఘర్షణకు దారితీసింది. నేతలు ఒకరిపై మరొకరు దాడికి పాల్పడ్డాడు. చొక్కాలు పట్టుకుని కొట్టుకోవడంతో పరిస్థితి ఉద్రిక్తంగా మారింది. సమాచారం అందుకున్న పోలీసులు వెంటనే సంఘటన స్థలానికి చేరుకుని ఇరువర్గాలను చెదరగొట్టారు. ఘర్షణకు దిగిన నేతలను పోలీస్ స్టేషన్‌కి తరలించినట్లు సమాచారం.

Also Read: