హైదరాబాద్ ఆకాశంలో అద్భుతం.. సూర్యని చుట్టూ రంగుల వలయం

హైదరాబాద్‌లో బుధవారం మధ్యాహ్నం వింత ఘటన చోటు చేసుకుంది. ఆకాశంలో ఓ అద్భుతం జరిగింది. సాధారణంగా ఇంధ్ర ధనస్సు యూ షేప్‌లో కనిపిస్తుంటుంది. కానీ అలాంటి రంగుల సర్కిల్ ఒకటి సూర్యూని చుట్టూ మెరిసింది. మిట్ట మధ్యాహ్నం మంచి ఎండుల రంగుల వలయం ఒకటి సూర్యుడి చుట్టూ కనిపించింది.

సూర్యుడి చుట్టూ పెద్ద గుండ్రటి రెయిన్ బో... చాలా స్పష్టంగా కనిపించింది. నగరవాసులను కనువిందు చేసింది. అయితే ఇది ఏర్పడటానికి కారణం మాత్రం వర్షం. మంగళవారం రాత్రి నగరంలో భారీ వర్షం కురిసింది. వర్షం కారణంగా... వాతావరణంలో... నీటి బిందువులు ఉంటాయి. అవి క్రిస్టల్స్‌గా మారతాయి. అలా క్రిస్టల్స్‌గా మారిన నీటి బిందువులలో సూర్యుడి కాంతి ప్రసంరించినప్పుడు ఇలా రెయిన్ బో ఏర్పడుతుంది. దీంతో ఈ వింత రెయిన్ బో చూడటానికి నగరవాసులు ఆసక్తి చూపించారు. డాబాలపైకి ఎక్కి ఈ వింతను తమ మొబైల్ ఫోన్లలో బంధించారు.