కనిపించకుండా పోయిన కొడుకు కానుక.. బాధతో తల్లి.!

తల్లికి ప్రేమతో విలువైన బహుమతి ఇచ్చాడో కొడుకు. ఖరీదైన చేతి గడియారం అది. అలాంటిలాంటిది కాదు మరి.. వజ్రాలతో పొదిగిన చేతి గడియారాన్ని కానుకగా ఇచ్చాడు. అంత ప్రేమతో ఇచ్చిన విలువైన వస్తువు కనిపించకుండా పోయింది. గుర్తుతెలియని వ్యక్తులు వాచ్‌ని చోరీ చేశారు. కొడుకు ప్రేమగా తెచ్చి ఇచ్చిన గడియారం కనిపించకపోవడంతో తల్లి పోలీసులను ఆశ్రయించింది.

పాతబస్తీలోని డబీర్‌పురాలోని ఓ ఇంట్లో చోరీ ఘటన చోటుచేసుకుంది. ఖరీదైన చేతి గడియారాన్ని దొంగలు తస్కరించారు. వాచ్ కనిపించకపోవడంతో చోరీ జరిగిందని గ్రహించిన తల్లి వెంటనే పోలీసులకు ఫిర్యాదు చేసింది. వజ్రాలతో పొదిగిన వాచ్‌ని తన కొడుకు బహుమతిగా ఇచ్చాడని.. ఎవరో దొంగతనం చేశారని వాపోయింది. బాధితురాలి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. ఇంతకీ వాచ్ ధర ఎంతంటే అక్షరాలా ఒక లక్షా డెబ్బై ఐదు వేల రూపాయలట.

Also Read: