Hyderabad: హైదరాబాద్ ఉస్మానియా యూనివర్సిటీ పరిధిలోని ఇఫ్లూ (English and Foreign Languages University) యూనివర్సిటీలో ఓ విద్యార్థిని ఆత్మహత్యకు పాల్పడటం కలకలం రేపుతోంది. హర్యానాకు చెందిన విద్యార్థిని అంజలి (22) హాస్టల్‌ బిల్డింగ్‌ పైనుంచి దూకి ప్రాణాలు కోల్పోయింది. దీంతో ఓయూలో ఉద్రిక్త పరిస్థితి నెలకొంది. విద్యార్థిని మృతి విషం తెలుసుకున్న విద్యార్థి సంఘాలు, ఏబీవీపీ నాయకులు ఘటనా స్థలానికి చేరుకొని ఆందోళన చేపట్టారు. ఓయూ క్యాంపస్‌లో విద్యార్థులు వరుస ఆత్మహత్యలకు పాల్పడుతున్న పట్టించుకునే నాధుడే లేడంటూ ఆగ్రహం వ్యక్తం చేశారు.
యూనివర్సిటీలో డ్రగ్, మందు కల్చర్ విపరీతంగా పెరిగిపోయిందని విద్యార్థి సంఘాల నాయకులు ఆరోపిస్తున్నారు. డిసెంబర్ 31న ఇద్దరు బెంగాలీ అమ్మాయిలు తాగి ఓ కర్ణాటక అమ్మాయిపై దాడి చేశారన్నారు. మద్యం సేవించి లేడీస్ హాస్టల్‌లో నానా హంగామా సృష్టించారన్నారు. క్యాంపస్‌లో ఇంత దారుణమైన ఘటనలు జరుగుతున్నా.. వర్సిటీ అధికారులు పట్టించుకోవటం లేదని మండిపడుతున్నారు. దీంతో ఓయూలో ఉద్రిక్త వాతావరణం నెలకొంది. ఎటువంటి అవాంఛనీయమైన సంఘటనలు జరగకుండా ముందు జాగ్రత్త చర్యల్లో భాగంగా పోలీసులు భారీ బందోబస్తు ఏర్పాటు చేశారు.
యూనివర్సిటీలో డ్రగ్, మందు కల్చర్ విపరీతంగా పెరిగిపోయిందని విద్యార్థి సంఘాల నాయకులు ఆరోపిస్తున్నారు. డిసెంబర్ 31న ఇద్దరు బెంగాలీ అమ్మాయిలు తాగి ఓ కర్ణాటక అమ్మాయిపై దాడి చేశారన్నారు. మద్యం సేవించి లేడీస్ హాస్టల్‌లో నానా హంగామా సృష్టించారన్నారు. క్యాంపస్‌లో ఇంత దారుణమైన ఘటనలు జరుగుతున్నా.. వర్సిటీ అధికారులు పట్టించుకోవటం లేదని మండిపడుతున్నారు. దీంతో ఓయూలో ఉద్రిక్త వాతావరణం నెలకొంది. ఎటువంటి అవాంఛనీయమైన సంఘటనలు జరగకుండా ముందు జాగ్రత్త చర్యల్లో భాగంగా పోలీసులు భారీ బందోబస్తు ఏర్పాటు చేశారు.
- Read More Telangana News And Telugu News