విభజన తర్వాత ఆంధ్రప్రదేశ్ పరిస్థితి కుక్కలు చింపిన విస్తరిలా మారిందని మాజీ మంత్రి రావెల కిషోర్ బాబు అభిప్రాయపడ్డారు. ఏపీలో రెండు పార్టీల మధ్య ఆధిపత్య పోరు నడుస్తోందని ఆరోపించారు. రెండు పార్టీల ఆధిపత్య పోరులో ఏపీలో అభివృద్ధి 20 ఏళ్ల వెనక్కి వెళ్లిందన్నారు. ఏపీ ప్రజలు ప్రత్యామ్నాయం వైపు చూస్తున్నారని.. అదే సమయంలో కేసీఆర్ ఆశాకిరణంగా కనిపిస్తున్నారన్నారు. సీఎం కేసీఆర్ తన ముందుచూపుతో.. తెలంగాణను దేశానికే తలమాణికంగా మార్చారని కొనియాడారు. సకల జనుల సంక్షేమం, అభివృద్ధితో తెలంగాణకు పరుగులు పెట్టిస్తున్నారన్నారు. తెలంగాణలో ఎలా అయితే అభివృద్ధి జరుగుతుందో.. అలానే ఏపీలో కూడా జరగాలని ప్రజలు కోరుకుంటున్నారు. ఏపీ అభివృద్ధి కేవలం బీఆర్ఎస్‌తోనే సాధ్యమవుతుందని.. కేవలం ఒక్క రాష్ట్రమే కాదు దేశమంతా అభివృద్ధి చేయగల సత్తా కేసీఆర్‌కు ఉందని తెలిపారు. అందుకోసమే తాము కేసీఆర్ వెంట నడిచేందుకు సిద్ధమయ్యామన్నారు. తాను చివరి శ్వాస వరకు కేసీఆర్ వెంటనే ఉంటానని తెలిపారు.
- Read More Telangana News And Telugu News