కళ్లలో కారం కొట్టి.. మాజీ రౌడి షీటర్ దారుణ హత్య

హైదరాబాద్‌లో మాజీ రౌడీ షీటర్ దారుణ హత్యకు గురయ్యాడు. సిటీలోని సనత్ నగర్ పోలీస్ స్టేషన్ పరిధి ఆర్కే సొసైటీలో మాజీ రౌడీషీటర్ ఫిరోజ్ దారుణ హత్యకు గురయ్యాడు. గత రాత్రి బోరబండలోని ఆర్కే సొసైటీ సమీపంలో ఫిరోజ్‌పై కొందరు గుర్తుతెలియని వ్యక్తులు కత్తులతో దాడి చేశారు. దీంతో దుండగుల దాడిలో తీవ్రంగా గాయపడిన ఫిరోజ్‌ను ఆస్పత్రికి తరలించి చికిత్స పొందుతూ మృతి చెందాడు. పోస్టుమార్టం నిమిత్తం మృతదేహాన్ని ఉస్మానియా ఆస్పత్రి మార్చురీకి తరలించారు.

Read More: తెలంగాణలో మందుబాబులకు శుభవార్త

గతంలో రౌడీ షీటర్ వాహిద్ కేసులో ఫిరోజ్ ప్రధాన నిందితుడిగా ఉన్నాడు. ఫిరోజ్ కళ్లలో కారం కొట్టి దుండగులు కత్తులతో హతమార్చినట్లు పోలీసులు గుర్తించారు. కూకట్‌పల్లి, ఎస్‌ఆర్ నగర్, సనత్‌నగర్ పోలీస్‌స్టేషన్ పరిధిలో ఫిరోజ్‌పై భూ కబ్జా ఆరోపణలతో పాటు పలు కేసులు ఉన్నట్లు పోలీసులు పేర్కొన్నారు. ఫిరోజ్ హత్యకు పాత కక్షలు ఏమైనా కారణమా లేక మరేదైనా కారణం ఉందా అనే కోణంలో పోలీసులు దర్యాప్తు చేస్తున్నారు. కేసు నమోదు చేసుకున్న సనత్ నగర్ పోలీసులు దర్యాప్తు ప్రారంభించారు.