తెలుగు ప్రజలకు ఎంతో సుపరిచితులు.. శ్రీకాళహస్తి ఆస్థాన జ్యోతిష సిద్ధాంతి శ్రీ ములుగు రామలింగేశ్వర సిద్ధాంతి శివైక్యం పొందారు. ఆయన అసలు పేరు ములుగు రామలింగేశ్వర వరప్రసాద్. ఆంధ్రప్రదేశ్‌లోని గుంటూరుకు చెందిన ఆయన చాలాకాలం క్రితమే హైదరాబాద్‌లో స్థిరపడ్డారు. ఆదివారం ఊపిరి తీసుకోవడంతో ఇబ్బంది పడటంతో కుటుంబసభ్యులు ఆయన్ని పంజాగుట్టలోని నిమ్స్‌ ఆస్పత్రికి తరలించారు. అయితే ఆస్పత్రికి చేరుకునేలోపే ఆయన ఆపస్మారక స్థితిలోకి వెళ్లిపోయారు. నిమ్స్‌లో ఆస్పత్రిలో ఆయన్ని పరీక్షించిన డాక్టర్లు అప్పటికే ప్రాణాలు కోల్పోయినట్లు నిర్ధారించారు.
రామలింగేశ్వర సిద్ధాంతి శ్రీశైలంలో ఆశ్రమం స్థాపించి, వేదాలు, పూజా, హోమాది క్రతువులలో శిక్షణ పొందిన బ్రాహ్మణులతో ప్రతి మాసశివరాత్రికి పాశుపత హోమాలు నిర్వహించేవారు. లోక కళ్యాణం కోసం, కరోనా మహమ్మారి నుంచి ప్రపంచానికి రక్షణ కోసం ఇటీవల యాదగిరిగుట్ట, శ్రీశైలం, శ్రీకాళహస్తిలో ఆయుష్య హోమాలు నిర్వహించారు. ములుగు సిద్ధాంతిగా ఆధ్యాత్మిక జీవితంలోకి ప్రవేశించక ముందు ఆయన మిమిక్రీ కళాకారుడిగా అంతర్జాతీయ ఖ్యాతి గడించారు. సినీనటుడు ఏవీఎస్, బ్రహ్మానందం వంటి వారితో కలిసి వేలాది ప్రదర్శనలు ఇచ్చారు.
రామలింగేశ్వర సిద్ధాంతి శ్రీశైలంలో ఆశ్రమం స్థాపించి, వేదాలు, పూజా, హోమాది క్రతువులలో శిక్షణ పొందిన బ్రాహ్మణులతో ప్రతి మాసశివరాత్రికి పాశుపత హోమాలు నిర్వహించేవారు. లోక కళ్యాణం కోసం, కరోనా మహమ్మారి నుంచి ప్రపంచానికి రక్షణ కోసం ఇటీవల యాదగిరిగుట్ట, శ్రీశైలం, శ్రీకాళహస్తిలో ఆయుష్య హోమాలు నిర్వహించారు. ములుగు సిద్ధాంతిగా ఆధ్యాత్మిక జీవితంలోకి ప్రవేశించక ముందు ఆయన మిమిక్రీ కళాకారుడిగా అంతర్జాతీయ ఖ్యాతి గడించారు. సినీనటుడు ఏవీఎస్, బ్రహ్మానందం వంటి వారితో కలిసి వేలాది ప్రదర్శనలు ఇచ్చారు.