సుల్తాన్ బజార్ వస్త్ర దుకాణంలో అగ్నిప్రమాదం

సుల్తాన్ బజార్‌లోని ఓ దుస్తుల షాపులో అగ్నిప్రమాదం చోటు చేసుకుంది. భవనంలోని మూడో అంతస్తు నుంచి పెద్ద ఎత్తున మంటలు వ్యాపించాయి. ఆ ప్రాంతంలో దట్టమైన పొగ అలుముకుంది. ప్రమాదంలో దుస్తులన్నీ దగ్ధమవడంతో భారీ ఆస్తినష్టం వాటిల్లినట్లు తెలుస్తోంది. మంటల్లో ఎవరైనా చిక్కుకున్నారా, లేదా అనే అంశానికి సంబంధించి వివరాలు తెలియాల్సి ఉంది. సుల్తాన్ బజార్ పాత పోలీస్ స్టేషన్ సమీపంలోని వస్త్ర దుకాణం మూడో అంతస్తులో ఈ ప్రమాదం జరిగింది. స్థానికులు ఆందోళనకు గురయ్యారు. వెంటనే ఫైర్ సిబ్బందికి సమాచారాం అందించారు. పోలీసులు, అగ్నిమాపక సిబ్బంది సంఘటనా స్థలానికి చేరుకుని మంటలను ఆర్పేశారు.

షార్ట్ సర్క్యూట్ కారణంగా మంటలు చెలరేగి ఉంటాయని భావిస్తున్నారు. ఈ ఘటనతో సుల్తాన్ బజార్ ప్రాంతంలో ట్రాఫిక్ జామ్ ఏర్పడింది. పోలీసులు ట్రాఫిక్‌ను క్లియర్ చేసేందుకు ప్రయత్నిస్తున్నారు. ఘటనకు సంబంధించిన పూర్తి వివరాలు తెలియాల్సి ఉంది.