కేసీఆర్ సర్కార్‌పై తెలంగాణ గవర్నర్ తమిళిసై మరోసారి కీలక వ్యాఖ్యలు చేశారు. రిపబ్లిక్ డే వేడుకల వేళ రాజ్ భవన్ వేదికగా చేసిన ప్రసంగం ఆసాంతం కేసీఆర్ ప్రభుత్వాన్ని టార్గెట్ చేస్తూ.. ఆసక్తికర కామెంట్లు చేసిన గవర్నర్ తమిళిసై.. పుదుచ్చేరిలో మీడియాతో మాట్లాడుతూ కూడా అలాంటి వ్యాఖ్యలే చేశారు. రిపబ్లిక్ డే వేడుకలు ప్రజల మధ్య జరగకుండా చేయాలని కొంత మంది ప్రయత్నించారని గవర్నర్ ఆరోపించారు. ఓ శ్రేయోభిలాషి కోర్టును ఆశ్రయించటం వల్ల మళ్లీ వేడుకలకు అవకాశం వచ్చిందన్నారు. అయితే.. రిపబ్లిక్ వేడుకలను ఘనంగా జరపాలని రెండు నెలల క్రితమే ప్రభుత్వానికి లేఖ రాశానన్నారు. కాగా.. రాజ్‌భవన్‌లోనే వేడుకలు జరుపుకోవాలని 2 రోజుల క్రితమే ప్రభుత్వం తెలియజేసినట్టు పేర్కొన్నారు. తెలంగాణలో ఏం జరుగుతోందో ప్రజలు పూర్తిగా గమనిస్తున్నారు. రాజ్యాంగాన్ని అగౌరవపరిచిన తీరు రాష్ట్ర చరిత్రలో నిలిచిపోతుందని గవర్నర్ కీలక వ్యాఖ్యలు చేశారు.
కేంద్ర మార్గదర్శకాలను రాష్ట్ర ప్రభత్వం ఏమాత్రం పట్టించుకోలేదని తమిళిసై విమర్శించారు. రిపబ్లిక్ డే వేడుకలకు సంబంధించిన ప్రసంగ పాఠాన్ని కూడా ప్రభుత్వం పంపలేదని అసహనం వ్యక్తం చేశారు. మొత్తానికి రిపబ్లిక్ డే వేడుకలను ప్రజల మధ్య జరుపుకోవడం ఆనందాన్ని ఇచ్చిందని తమిళిసై తెలిపారు.
కేంద్ర మార్గదర్శకాలను రాష్ట్ర ప్రభత్వం ఏమాత్రం పట్టించుకోలేదని తమిళిసై విమర్శించారు. రిపబ్లిక్ డే వేడుకలకు సంబంధించిన ప్రసంగ పాఠాన్ని కూడా ప్రభుత్వం పంపలేదని అసహనం వ్యక్తం చేశారు. మొత్తానికి రిపబ్లిక్ డే వేడుకలను ప్రజల మధ్య జరుపుకోవడం ఆనందాన్ని ఇచ్చిందని తమిళిసై తెలిపారు.
- Read More Telangana News And Telugu News