Hyderabad Rain: ఒక్కసారిగా కుండపోత వర్షం.. హైదరాబాద్ ఆగమాగం..!

Hyderabad Rain: హైద‌రాబాద్ న‌గ‌రంలోని ప‌లు చోట్ల గురువారం సాయంత్రం భారీ వ‌ర్షం కురిసింది. బంజారాహిల్స్‌, జూబ్లీహిల్స్‌, ఖైర‌తాబాద్‌, కూక‌ట్‌ప‌ల్లి, కేపీహెచ్‌బీ కాల‌నీ, బాలాన‌గ‌ర్‌, మియాపూర్‌, అల్విన్ కాల‌నీ, ప్ర‌గ‌తి న‌గ‌ర్‌, నిజాంపేట్‌, బోయిన్‌ప‌ల్లి, సికింద్రాబాద్‌, కాప్రా, మ‌ల్కాజ్‌గిరి, మౌలాలి, బేగంపేట్, రాంన‌గ‌ర్, తార్నాక‌, మాదాపూర్‌తో పాటు ప‌లు ప్రాంతాల్లో భారీ వర్షం కురిసింది. దీంతో చాలాచోట్ల ట్రాఫిక్ జామ్ అయ్యింది. గ‌త రెండు రోజుల నుంచి భాగ్యనగరంలో ఎండ‌లు దంచికొట్టాయి. దీంతో ప్రజలు ఉక్కపోతతో అల్లాడిపోయారు. మొత్తానికి వ‌ర్షం కురవడంతో.. ఉక్క‌పోత నుంచి కాస్త ఉప‌శ‌మ‌నం లభించింది. అయితే.. పగలంతా ఎండకొట్టి.. సాయంత్రం కాగానే వర్షం కురవడంతో.. వాహనదారులు ఇబ్బంది పడ్డారు. ఆఫీసుల నుంచి ఇళ్లకు వెళ్లే సమయంలో వర్షం రావడంతో.. అవస్థలు ఎదుర్కొన్నారు.