హైదరాబాద్‌లో కుండపోత వర్షం.. భారీగా నిలిచిన ట్రాఫిక్

నగరంలో మరోమారు కుండపోత వర్షం కురిసింది. భారీ వర్షం కారణంగా ప్రధాన ప్రాంతాలన్నీ జలమయమయ్యాయి. కిలోమీటర్ల మేర వాహనాలు నిలిచిపోయాయి. వాహనదారులు తీవ్ర ఇబ్బందులు పడ్డారు.

Samayam Telugu 2 Sep 2021, 9:51 pm

హైదరాబాద్‌‌ను భారీ వర్షం ముంచెత్తింది. ఒక్కసారిగా వర్షం తీవ్రతరం కావడంతో రోడ్లన్నీ జలమయమయ్యాయి. కుండపోత వర్షం కారణంగా నగరంలోని పలు చోట్ల ట్రాఫిక్ భారీగా నిలిచిపోయింది. రోడ్లపై మోకాలి లోతు నీళ్లు నిలిచిపోవడంతో వాహనదారులు తీవ్ర ఇబ్బందులు ఎదుర్కొంటున్నారు. వర్షం ఇదే విధంగా కొనసాగితే రాత్రికి లోతట్టు ప్రాంతాలన్నీ జలదిగ్బంధంలో చిక్కుకునే అవకాశాలు కనిపిస్తున్నాయి. ప్రధానంగా అమీర్‌పేట్, పంజాగుట్ల, యూసుఫ్‌గూడ, బంజారాహిల్స్, జూబ్లీహిల్స్, కేపీహెచ్‌బీ, ఖైరతాబాద్, ఉప్పల్, తార్నాక, బాలాగనర్, నాచారం తదితర ప్రాంతాల్లో భారీ వర్షం కురిసింది. ఈరోజు ఓ మోస్తరు వర్షం కురిసే అవకాశం ఉందని వాతావరణ శాఖ చెప్పినప్పటికీ ఒక్కసారిగా భారీ వర్షం కురవడంతో వాహనదారులు అవస్థలు పడ్డారు. కుండపోత వాన కురుస్తుండడంతో జనం ఇళ్ల నుంచి బయటికి రావొద్దని జీహెచ్‌ఎంసీ అధికారులు సూచిస్తున్నారు. నగరంలోని పలు చోట్ల రోడ్లు జలమయమయ్యాయి.

హైదరాబాద్‌లో కుండపోత వర్షం.. భారీగా నిలిచిన ట్రాఫిక్

తరవాత కథనం