హైదరాబాద్‌లో మరోసారి వర్షం దంచికొడుతోంది. ఈదురుగాలులు, ఉరుములు మెరుపులతో భారీ వర్షం కురుస్తోంది. ఒక్కసారిగా కుండపోత వర్షం కురుస్తుండటంతో.. రోడ్లన్ని చెరువులను తలపిస్తున్నాయి. దీంతో.. రోడ్ల మీద ఎక్కడికక్కడ ట్రాఫిక్ నిలిచిపోయింది. పైన వాన.. కింద వరద నీటితో.. వాహనదారులు తీవ్ర ఇబ్బందులు పడుతున్నారు. ఇదిలా ఉంటే.. ఈదురు గాలుల ధాటికి పలు చోట్ల చెట్ల కొమ్మలు, విద్యుత్ స్తంభాలు విరిగిపడ్డాయి. దీంతో.. ఆయా ప్రాంతాల్లో విద్యుత్ సరఫరా నిలిచిపోయింది. తీవ్ర స్థాయిలో వర్షపాతం నమోదవుతుండటంతో.. లోతట్టు ప్రాంతాలు ఒక్కసారిగా జలమయమయ్యాయి. కుండపోతగా వర్షం కురుస్తుండటంతో.. జనజీవనం స్తంభించిపోయింది. మేఘం విరిగిపడిందా అన్నట్టు కురుస్తోన్న వర్షంతో నగరం మొత్తం అతలాకుతలంగా మారిపోయింది.
కూకట్‌పల్లి, కేపీహెచ్బీ, గచ్చిబౌలి, మియాపూర్, శేరిలింగంపల్లి, చందానగర్, మాదాపూర్, కుత్బుల్లాపూర్, జీడిమెట్ల, బంజారాహిల్స్‌, ఫిల్మ్‌‌నగర్‌తో పాటు పలు ప్రాంతాల్లో కుండపోతగా వర్షం పడుతోంది. మూసాపేట్, బోరబండ, ఎర్రగడ్డ, సనత్‌నగర్ ప్రాంతాల్లో భారీ వర్షం కురుస్తోంది. ఈ నేపథ్యంలో జీహెచ్ఎంసీ ఆరెంజ్ అలర్ట్ ప్రకటించింది. బల్దియా అధికారులు అప్రమత్తంగా ఉండాలని మేయర్ విజయలక్ష్మి ఆదేశించారు.
అయితే.. నగరంలో భారీ వర్షాలు కురిసే అవకాశముందని ఇప్పటికే హైదరాబాద్ వాతావరణ శాఖ హెచ్చరించింది. మొన్న కూడా కుండపోత వర్షం కురియటంతో.. నగరం మొత్తం అస్తవ్యస్థమైంది. దీంతో.. ఆరెంజ్ అలర్ట్ జారీ చేసింది. కాగా.. ఈరోజు ఉదయం నుంచి చల్లటి గాలులు వీయగా.. సాయంత్రం నుంచి ఈదురుగాలులు మొదలయ్యాయి. ఉన్నట్టుంది ఒక్కసారిగా వాతావరణం మారిపోయి.. కుండపోతగా వర్షం కురియటం ప్రారంభమైంది.
కూకట్‌పల్లి, కేపీహెచ్బీ, గచ్చిబౌలి, మియాపూర్, శేరిలింగంపల్లి, చందానగర్, మాదాపూర్, కుత్బుల్లాపూర్, జీడిమెట్ల, బంజారాహిల్స్‌, ఫిల్మ్‌‌నగర్‌తో పాటు పలు ప్రాంతాల్లో కుండపోతగా వర్షం పడుతోంది. మూసాపేట్, బోరబండ, ఎర్రగడ్డ, సనత్‌నగర్ ప్రాంతాల్లో భారీ వర్షం కురుస్తోంది. ఈ నేపథ్యంలో జీహెచ్ఎంసీ ఆరెంజ్ అలర్ట్ ప్రకటించింది. బల్దియా అధికారులు అప్రమత్తంగా ఉండాలని మేయర్ విజయలక్ష్మి ఆదేశించారు.
అయితే.. నగరంలో భారీ వర్షాలు కురిసే అవకాశముందని ఇప్పటికే హైదరాబాద్ వాతావరణ శాఖ హెచ్చరించింది. మొన్న కూడా కుండపోత వర్షం కురియటంతో.. నగరం మొత్తం అస్తవ్యస్థమైంది. దీంతో.. ఆరెంజ్ అలర్ట్ జారీ చేసింది. కాగా.. ఈరోజు ఉదయం నుంచి చల్లటి గాలులు వీయగా.. సాయంత్రం నుంచి ఈదురుగాలులు మొదలయ్యాయి. ఉన్నట్టుంది ఒక్కసారిగా వాతావరణం మారిపోయి.. కుండపోతగా వర్షం కురియటం ప్రారంభమైంది.
- Read More Telangana News And Telugu News